Thaçi zbrapset nga Amerika, brenda tre dite ndryshon qëndrim për Asociacionin

02.06.2019 16:41
Rreshtat+- AShkronjat+- Printo
Thaçi zbrapset nga Amerika, brenda tre dite ndryshon qëndrim për Asociacionin

Thirrja e Shteteve të Bashkuara të Amerikës, së Kosova duhet të implementojë të gjitha marrëveshjet e nënshkruara në Bruksel, përfshirë këtu edhe Asociacionin e Komunave me Shumicë Serbe, e kanë zmbrapsur presidentin Hashim Thaçi.

Derisa të enjten e javës së kaluar në një debat televiziv, kishte deklaruar prerë, se nuk do të lejojë themelimin e kurrfarë lloji të Asociacionit të Komunave me Shumicë Serbe, një ditë pas reagimit të Ambasadës së SHBA-ve në Beograd, Thaçi ka zbutur qëndrim.

Gjatë një forumi në Mal të Zi, në të cilin ishte pjesëmarrës edhe presidenti Millo Gjukaoviq, Thaçi, ka thënë se Kosova do të vazhdojë implementimin e të gjitha marrëveshjeve të arritura në vitin 2013.

Pra do të pranojë themelimin e Asociacionit të Komunave më Shumicë serbe, nëse një gjë e tillë bëhet në përputhje me Kushtetutën dhe Ligjet e Kosovës.

“Me rëndësi është , përsëri e theksoj, të vazhdohet me implementimin e të gjitha marrëveshjeve të arritura në vitin 2013. Po që janë të gjitha në përputhshmëri me Kushtetutën dhe Ligjet e Kosovës, dhe në asnjë rrethanë të mos pretendohet me kriju ndonjë ‘Republika Serbe’, në Kosovë, sepse ajo e defunksionalizon shtetin e Kosovës”, ka thënë Thaçi dje në Podgoricë.

Por përpara se ta jepte këtë deklaratë në Mal të Zi dhe derisa nuk kishte pasur një qëndrim të SHBA-së lidhur me këtë çështje, Thaçi kishte qenë shumë i rreptë në deklarime.

Ai thoshte që në shkëmbim të themelimit të Aosciaiconit ishte premtuar njohja e pavarësisë së Kosovës nga Serbia, dhe meqenëse se një gjë e tillë nuk kishte ndodhur, atëherë puna e themelimit të Asociacionit ‘është e vdekur’.

“Në asnjë rrethanë, nuk do të lejojmë as Asociacion as ekzekutiv, as kurrfarë ..zero. Ka qenë kohë ndryshe kur ka ndodhë, është premtuar njohja, s’ka ndodhur, le ta harrojnë, ajo punë është e vdekur”, ka thënë Thaçi të enjten në Tv Dukagjin më 30 maj.

E menjëherë pas kësaj deklarate kishte ardhur një reagim nga Ambasada e Shteteve të Bashkuara të Amerikës në Beograd, duke thënë se duhet implementuar të gjitha obligimet e marra nga dialogu i Brukselit, përfshirë edhe krijimin e ASK-së, shkruan Gazeta Express.

“Shtetet e Bashkuara mbështesin implementimin e plotë të gjithë obligimeve që janë marrë në dialogun e Brukselit. Kjo përfshinë edhe obligimet që kanë të bëjnë me krijimin e Asociacionit të Komunave me shumice serbe”, thuhet në deklaratën e Ambasadës së SHBA-së në Beograd të lëshuar me 31 maj.

Hashim Thaçi në vitin 2013, në cilësinë e kryeministrit, bashkë me Ivica Daçiqin, kishte nënshkruar në Bruksel marrëveshjen bazë ndërmjet Kosovës dhe Serbisë, që i hapte rrugë themelimit të Asociacionit të Komunave më Shumicë serbe në Kosovë.

Përveç SHBA-së, implementimin e marrëveshjeve dhe obligimeve të marra nga Brukseli, e kërkon edhe Gjermania e kancelares Angela Merkel.

Me shumë gjasë një gjë e tillë do të diskutohet në Samitin e Parisit. Një gjë të tillë e kishte paralajmëruar deputeti gjerman i CDU-së, Johann Ëadephul, pas Samitit të Berlinit, duke thënë se tashmë dialogu ndërmjet Kosovës dhe Serbisë do të vazhdojë plotësisht duket diskutuar aspekte teknike siç është Asociacioni i Komunave me Shumicë Serbe, duke treguar se ideja për korrigjim të kufijve kishte ‘vdekur’ në Berlin.

“Këto negociata kanë qenë krejtësisht të vdekura për muaj të tërë si pasojë e diskutimeve të panevojshme për shkëmbime territoresh. Por tani, megjithatë, tema konkrete duhet të diskutohen sërish – siç janë Asociacioni i komunave serbe, furnizimi me energji elektrike i Kosovës, mbrojtja e monumenteve kulturore, njohja e diplomave, të drejtat e personave të zhvendosur, por edhe anëtarësimi i Kosovës në organizata ndërkombëtare – përfshirë Asamblenë e Përgjithshme të OKB-së”, kishte thënë ai pas përfundimit të Samitit të Berlinit.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Engel: Qeveria e re të ketë bazë të gjerë, prekja e kufijve e gabuar

Engel: Qeveria e re të ketë bazë të gjerë, prekja e kufijve e gabuar

Osmani tregon çfarë duhet bërë për të evituar ikjen e mjekëve në Gjermani

Osmani tregon çfarë duhet bërë për të evituar ikjen e mjekëve në Gjermani

Deputeti i IRDK-së, Elbert Krasniqi i bashkohet Grupit Parlamentar të Vetëvendosjes

Deputeti i IRDK-së, Elbert Krasniqi i bashkohet Grupit Parlamentar të Vetëvendosjes

Shkup: Vetting në gjyqësor për forcimin e shtetit ligjor

Shkup: Vetting në gjyqësor për forcimin e shtetit ligjor

Përfundon prapa grilave ferizajasi që rrahu bashkëshorten e tij

Përfundon prapa grilave ferizajasi që rrahu bashkëshorten e tij

Berisha: Taksa ka ulur për 99 për qind importin nga Serbia dhe BeH

Berisha: Taksa ka ulur për 99 për qind importin nga Serbia dhe BeH

Raporti i Prokurorit, tetë të ndaluar për 24 orë

Raporti i Prokurorit, tetë të ndaluar për 24 orë

“Rusia është e vendosur që të mos e zgjidhë çështjen e Kosovës”

“Rusia është e vendosur që të mos e zgjidhë çështjen e Kosovës”

IKD: Rriten rastet e të dënuarve për korrupsion, sfidë mbetet konfiskimi i pasurisë së paligjshme

IKD: Rriten rastet e të dënuarve për korrupsion, sfidë mbetet konfiskimi i pasurisë së paligjshme

Vetëvendosja i refuzon Nismën dhe AKR-në për koalicion

Vetëvendosja i refuzon Nismën dhe AKR-në për koalicion

Tragjedi në Gjermani: Vdes në aksident 18-vjeçari nga Prishtina

Tragjedi në Gjermani: Vdes në aksident 18-vjeçari nga Prishtina

41% e ndërmarrjeve, arritja e marrëveshjes Kosovë-Serbi ndikon në rritjen e eksportit

41% e ndërmarrjeve, arritja e marrëveshjes Kosovë-Serbi ndikon në rritjen e eksportit

Zhang: Ngritjet e mëdha dhe të papritura në pagat e sektorit publik prekin negativisht konkurrencën e jashtme të Kosovës

Zhang: Ngritjet e mëdha dhe të papritura në pagat e sektorit publik prekin negativisht konkurrencën e jashtme të Kosovës

“Kuqezinjtë”: Duart larg nga Kosova

“Kuqezinjtë”: Duart larg nga Kosova

O’Connell rikthehet në Prishtinë, me fanellë të Kosovës flet pas ndeshjes me Anglinë

O’Connell rikthehet në Prishtinë, me fanellë të Kosovës flet pas ndeshjes me Anglinë

Qeveria Haradinaj “Shterri” Fondin Rezervë

Qeveria Haradinaj “Shterri” Fondin Rezervë