Presidenti i Kosovës, Hashim Thaçi, ka ngushëlluar familjen Zatriqi dhe komunitetin e gazetarëve, me rastin e vdekjes së Agim Zatriqit, ish drejtor i Radiotelevizionit të Kosovës.
“Me pikëllim të thellë mora lajmin për vdekjen e parakohshme të Agim Zatriqit, ish-drejtorit të Radiotelevizionit të Kosovës. Me shumë sukses dhe profesionalizëm, me dedikim të pashoq, ai një kohë të gjatë e drejtoi mediumin publik. Ngushëllime të sinqerta familjes Zatriqi dhe komunitetit të gazetarëve”, ka shkruar Thaçi.
