Presidenti i ri i Republikës, Hashim Thaçi, pritet që nesër ta vizitojë Prekazin me rastin e “Epopesë së UÇK-së”.
Ndërsa, në njoftimin e dërguar për media, thuhet se Thaçi do të bëjë homazhe në varrezat e familjes Jashari, por jo edhe nëse do të takohet me familjen Jashari, shkruan “Zëri.info”
“Ju njoftojmë se nesër (5 mars), me rastin e 18 vjetorit të Epopesë së UÇK-së, duke filluar nga ora 10:30, presidenti i zgjedhur Hashim Thaçi do të bëjë homazhe te varrezat e familjes Jashari në Prekaz”, thuhet në këtë njoftim.
Raportet ndërmjet Thaçit dhe familjes Jashari ka vite që janë “ngrirë”, sidomos pas aferës telefonike “Pronto”. /Zëri/
