Tetëmbëdhjetë vjetët e humbur të kombinatit Trepça

02.01.2018 18:49
Rreshtat+- AShkronjat+- Printo
Tetëmbëdhjetë vjetët e humbur të kombinatit Trepça

Gjiganti metalurgjik Trepça i ndarë në dy pjesë, në veriun e dominuar nga serbët dhe në jug me minatorë shqiptarë, për 18 vitet e pas luftës në Kosovë nuk arriti të rimëkëmbet.

Funksionalizimin e tij u tha se e pengoi statusi i pazgjidhur dhe ndarjes që ngjasonte edhe në vetë qytetin e Mitrovicës.

Pas luftës, gjatë periudhës 2000 – 2004, miniera nuk ka funksionuar, por kishin filluar të bëhen përgatitjet e punishteve për prodhim, për të bërë të gatshme atë në vitin 2005, por me kapacitet minimal.

Nga rreth 600 mijë tonë xehe në vit sa prodhonte miniera në vitet 1945 deri në periudhën e para vitit 1990, sot nga aty nxirren jo më shumë se 150 mijë tonë xehe.

Edhe kapacitetet e saj humane janë zvogëluar përgjatë viteve, duke u reduktuar në më pak se 1000 punëtorë nga më shumë se 20,000, sa ishin të punësuar në këtë kombinat dikur.

Në shkurt të vitit 2015 ndërmarrja Trepça, ishte rrezikuar të shkojë në likuidim, por Qeveria e Kosovës me hapa të shpejtë miratoi Ligjin për ndërmarrje publike, sipas të cilit Trepça nxirret nga administrimi i Agjencisë Kosovare të Privatizimit (AKP) dhe shndërrohet në ndërmarrje publike, të menaxhuar nga shteti.

Ky vendim, në atë kohë ishte kundërshtuar nga partitë opozitare, të cilat kishin kërkuar që Trepça të trajtohet me një ligj të veçantë.

Çështja e statusit të kombinatit ishte bërë edhe shkas i protestave të partive politike në opozitë në janar të vitit 2016, që u përshkuan me përplasje të ashpra ndërmjet protestuesve dhe forcave të rendit.

Po atë vit, Kuvendi i Kosovës miratoi Ligjin për Trepçën, me të cilin u tha se gjiganti ekonomik do të rimëkëmbet dhe do të rikthehet në treg.

Ligji e përcaktoi Qeverinë e Kosovës si pronare të 80 për qind të aksioneve të kombinatit.

Vendimi i Qeverisë së Kosovës për kombinatin Trepça kishte nxitur reagimin e Beogradi zyrtar, pasi ndërmarrjen Serbia e konsideron pjesë të saj.

Ligji i miratuar për Trepçën, edhe pas një viti që nga miratimi, nuk arriti të zbatohet.

Ministri i Zhvillimit Ekonomik Valdin Lluka, ka thënë se presin se në gjashtë mujorin e vitit 2018 të funksionalizohet kombinati Trepça.

“Besoj që deri në muajin qershor do të kemi bordin, statutin regjistrimin e Trepçës si shoqëri aksionare, manaxhmentin e Trepçës si dhe vlerësimin e rezervave minerare, pasi që deri tani të dhënat për rezervat e Trepçës janë të viteve të 70-ta, e të cila nuk janë të mjaftueshme si të dhëna për investitorë të huaj, prandaj dhe duhet ta bëjmë një rivlerësim të atyre rezervave”, ka thënë ministri Lluka.

I vetmi studim për të gjitha resurset natyrore të Kosovës, që është bërë në vitin 1992, pati vlerësuar se potenciali material i Trepçës mund të jetë 85 miliardë dollarë amerikanë.

Institucionet e vendit u kritikuan nga përfaqësuesit e kombinatit Trepça dhe nga minatorët, se neglizhuan proceset që e bënin ligjin të zbatueshëm.

Minatorët e Trepçës thonë për Radion Evropa e Lirë se procesi i neglizhuar që pamundësoi zbatimin e Ligjit të miratuar për Trepçën, i krijoji humbje të mëdha ndërmarrjes.

Shyqyri Sadiku, kryetar i sindikatës së Trepçës në një prononcim për Radion Evropa e Lirë flet për një gjendje jo të mirë në kombinatit Trepça. Ai thotë se prodhimi ka rënë në nivel shumë të ulët.

“Gjendja aktuale në Trepçë nuk është aspak e mirë dhe kjo për shumë arsye: si mosformimi i bordit mbikëqyrës, keqmenaxhimi, keqpërdorimet dhe mosdisiplina në punë. Vetëm në nëntë mujorin e parë të këtij viti, kemi prodhim më pak për 30 për qind krahasuar me vitin paraprak. Nëse vazhdohet me vonesa në përzgjedhjen e bordit mbikëqyrës, Trepça do të shkojë drejt falimentimit”, thotë Sadiku.

Ai shton se për rënien e prodhimit në kombinatit Trepça janë të njoftuara të gjitha institucionet kompetente, por që nuk është ndërmarrë ndonjë hap konkret për daljen nga kjo situatë.

Mosfunksionalizimi i Ligjit për Trepçën edhe sipas drejtorit të këtij kombinati, Ahmet Tmava, përveç rënies së prodhimit ka sjell vështirësi të mëdha edhe të funksionimit si ndërmarrje.

“Trepça është në fazën e mbijetesës me probleme të mëdha, por po shpresojmë që gjërat të lëvizin. Problemet shëndetësore të punëtorëve, mosha e shtyrë si dhe mungesa e investimeve. po sjell probleme. Për momentin statusi i Trepçës është i paqartë”, thotë Tmava.

Gjatë këtyre 18 viteve, minatorët thonë se punuan në kushte mjaft të vështira.

Mosha mesatare e minatorëve është 55-vjeç, e cila konsiderohet të jetë moshë e shtyer për të bërë një punë në minierë.

Rrogat aktuale të punëtorëve sillen nga 600 deri në 800 euro, varësisht përvojës dhe përgatitjes profesionale. Por, asnjë nga ata nuk ka sigurim shëndetësor apo jetësor.

Isuf Beqiri, minator në minierën e Stantërgut, ku punon që prej vitit 1978, thotë për Radion Evropa e Lirë, se minatorët e Trepçës janë të harruar nga institucionet e Kosovës dhe se nuk po punohet asgjë në krijimin e kushteve më të mira për ta.

“Nuk është bërë asgjë për neve minatorët. Një ligj që është bërë nuk ka filluar të zbatohet akoma. Gjendja e minatorëve është e vështirë, nuk kemi as sigurime shëndetësore, që nga pas lufta nuk kemi asgjë. Qeveria e Kosovës duhet të marrë masat për përmirësimin e kushteve të minatorëve”, thekson Beqiri.

Trepça sot, brenda Kosovës, përbëhet prej 41 njësive të ndryshme, që grupohen kryesisht në tri komplekse të mëdha: në miniera me flotacione, në parkun industrial në Mitrovicë dhe në kompleksin e shkritoreve.

Por, një pjesë e madhe e këtyre kapaciteteve janë të degraduara, për shkak të mungesës së mirëmbajtjes ose mungesës së investimeve, e madje edhe keqshfrytëzimit në të kaluarën.

Nisur nga i gjithë ky degradim që i është bërë kombinatit gjatë këtyre viteve të pasluftës, ekspertë të fushës, thonë se gjigantit i duhet kohë të rimëkëmbet, por se kjo mund të arrihet me një punë të madhe dhe me njerëz profesionistë.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për kameraman/e dhe fotograf/e
artikull i sponzorizuar


Trupat amerikane do të mbeten në Siri

Trupat amerikane do të mbeten në Siri

Papa dënon abuzimet seksuale fëmijëve nga priftërinjtë katolikë në Kili

Papa dënon abuzimet seksuale fëmijëve nga priftërinjtë katolikë në Kili

Pacolli: Grupin e të dorëhequrve në VV e bashkon kërkesa kundër Kurtit kryetar

Pacolli: Grupin e të dorëhequrve në VV e bashkon kërkesa kundër Kurtit kryetar

Vankuver: 20 vende pajtohen për të shtuar presionin ndaj Phenianit

Vankuver: 20 vende pajtohen për të shtuar presionin ndaj Phenianit

Kërkohet ndihmë për 23 vjeçarin që vuan nga tumori në tru

Kërkohet ndihmë për 23 vjeçarin që vuan nga tumori në tru

Rada Trajkoviq: I thashë Oliverit, mos dil në zgjedhje…

Rada Trajkoviq: I thashë Oliverit, mos dil në zgjedhje…

Pacolli në Strasburg kërkon mbështetje për liberalizimin e vizave

Pacolli në Strasburg kërkon mbështetje për liberalizimin e vizave

Kush organizoi vrasjen e Ivanoviqit, sipas Halitit? (Video)

Kush organizoi vrasjen e Ivanoviqit, sipas Halitit? (Video)

Hetohen ish-anëtarët e KPK-së që ia zgjaten vetes mandatin

Hetohen ish-anëtarët e KPK-së që ia zgjaten vetes mandatin

Julian Balliu, polici që trafikonte kokainë pjesë e grupit që çoi në Itali 2.5 tonë hashash

Julian Balliu, polici që trafikonte kokainë pjesë e grupit që çoi në Itali 2.5 tonë hashash

Thaçi tregon ç’i ka thënë Vuçiqit për hetimet e mundshme të Serbisë rreth vrasjes së Ivanoviqit

Thaçi tregon ç’i ka thënë Vuçiqit për hetimet e mundshme të Serbisë rreth vrasjes së Ivanoviqit

Dy Koretë do të përfaqësohen me një ekip të përbashkët hokei për femra

Dy Koretë do të përfaqësohen me një ekip të përbashkët hokei për femra

Ivanov nuk e dekreton ligjin për gjuhën shqipe

Ivanov nuk e dekreton ligjin për gjuhën shqipe

Kur do të merret vendimi për kompensimin e 41 milionëve që qytetarët paguan për Veriun?

Kur do të merret vendimi për kompensimin e 41 milionëve që qytetarët paguan për Veriun?

Ish-ambasadori holandez në Kosovë godet Vuçiqin për vrasjen e Ivanoviqit

Ish-ambasadori holandez në Kosovë godet Vuçiqin për vrasjen e Ivanoviqit

Haradinaj priti në takim kryeparlamentarin Xhaferi

Haradinaj priti në takim kryeparlamentarin Xhaferi