Tensione në Gaza teksa palestinezët varrosin të vrarët

16.05.2018 14:58
Rreshtat+- AShkronjat+- Printo
Tensione në Gaza teksa palestinezët varrosin të vrarët

Në Gaza sot po varrosen 58 personat e vrarë të hënën, gjatë përleshjeve mes trupave izraelite me protestuesit palestinezë.

Në këtë ditë po ashtu shënohet 70-vjetori i asaj që palestinezët e quajnë “Nakba” apo “Katastrofa”, që shënon zhvendosjen masive të palestinezëve pas krijimit të shtetit të Izraelit.

Ushtria izraelite ka thënë se janë të përgatitur për konfrontime të mëtejme sot.

Por, grupet palestineze kanë lënë të kuptohet se ata do të ndërpresin protestat, raporton BBC.

Protestat e 14 majit u zhvilluan në kohën kur Shtetet e Bashkuara hapën amabsadën në Jerusalem.

Ministria e Shëndetësisë në Gaza ka njoftuar se në protestat e 14 majit, po ashtu janë plagosur 2,700 persona.

Izraeli ka njoftuar se 40 mijë palestinezë morrën pjesë “në trazirat e dhunshme”, ndërkaq, kryeministri Benjamin Netanyahu mbrojti vendimin për të përdorur forcë, duke thënë se “çdo shtet e ka për obligim që të mbrojë kufinjtë e tij”.

Zëdhënësi i Shtëpisë së Bardhë, Raj Shah ka thënë se “përgjegjësia për këto vdekje tragjike bie te Hamasi”.

“Hamasi qëllimshëm dhe me cinizëm ka provokuar këtë përgjigje”, ka thënë ai.

Shtetet e Bashkuara hapën ambasadën në Jerusalem në 70-vjetorin e shtetit të Izraelit.

Ivanka Trump dhe Sekretri i Thesarit, Steven Mnuchin gjatë hapjes së ambasadës amerikane në Jerusalem. 14 maj, 2018

Ivanka Trump dhe Sekretri i Thesarit, Steven Mnuchin gjatë hapjes së ambasadës amerikane në Jerusalem. 14 maj, 2018

Presidenti i Autoritetet Palestinez, Muhamud Abbas, ndërkaq, ka dënuar përdorimin e dhunës, duke e quajtur këtë ngjarje si “masakër” të kryer nga forcat izraelite dhe ka shpallur tre ditë zie.

Protestat e 14 majit ishin më të përgjakshmet që prej luftës në Gaza më 2014. Ato ishin pjesë e protestave që palestinezët kanë organizuar për gjashtë javë me radhë, që i kanë quajtur “Marshi i Madh i Rikthimit”, pasi palestinezët dëshirojnë të kthehen në territoret, që tashmë i takojnë Izraelit.

Shefi për të drejtat e njeriut i OKB-së, Zeid Ra’ad al-Huessein ka shprehur “zemërim për shkeljen e të drejtave të njeriut”, nga forcat izraelite.

Ndërkaq, presidenti i Turqisë, Recep Tayyip Erdogan ka akuzuar forcat izraelite për “gjenocid” ndërkaq Izraeli ka thënë se është “shtet terrorist”.

Këshilli i Sigurimit i Kombeve të Bashkuara pritet që të mblidhet për të diskutuar për dhunën në Gaza.

Mbledhja është thirrur nga Kuvajti, por ende nuk është e qartë çfarë vendimi pritet të merret në këtë mbledhje.

Shtetet e Bashkuara bllokuan një deklaratë të propozuar nga Kuvajti, në të cilën kërkohej “hetim i pavarur dhe transparent”, për protestat vdekjeprurëse në Gaza.

Një palestinez mban flamurin kombëtar, teksa tymi mbulon qiellin, gjatë përleshjeve mes palestinezëve dhe forcave izraelite në kufirin Gaza-Izrael. 14 maj, 2018

Një palestinez mban flamurin kombëtar, teksa tymi mbulon qiellin, gjatë përleshjeve mes palestinezëve dhe forcave izraelite në kufirin Gaza-Izrael. 14 maj, 2018

Në dhjetor, presidenti amerikan Donald Trump njoftoi se e njeh Jerusalemin kryeqytet të Izraelit, vendim ky që nxiti reagime të shumta.

SHBA vendosi veton mbi një rezolutë në Kombet e Bashkuara, ku kërkohej që Trump të anulonte vendimin e tij për njohjen e Jerusalemit kryeqytet të Izraelit.

Palestinezët thonë se Jerusalemi Lindor do të jetë kryeqyteti i shtetit të tyre të ardhshëm.

Përgatiti: Mimoza Sadiku

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Modifikim apo përshtatje “sui generis” e kufijve të Kosovës

Modifikim apo përshtatje “sui generis” e kufijve të Kosovës

PDK-ja s’ka përgjigje ndaj rezistencës së Haradinajt për taksën

PDK-ja s’ka përgjigje ndaj rezistencës së Haradinajt për taksën

Maqedonia përfitoi më së shumti nga vendosja e taksës kundër mallrave të Serbisë

Maqedonia përfitoi më së shumti nga vendosja e taksës kundër mallrave të Serbisë

Hetimet për deportimin e gylenistëve në udhëkryq

Hetimet për deportimin e gylenistëve në udhëkryq

Mosuniteti dobëson pozitën e Kosovës në dialogun me Serbinë

Mosuniteti dobëson pozitën e Kosovës në dialogun me Serbinë

Ideja e korrigjimit të kufijve i shqetëson shqiptarët e Zubin Potokut, s’duan të jetojnë në Serbi

Ideja e korrigjimit të kufijve i shqetëson shqiptarët e Zubin Potokut, s’duan të jetojnë në Serbi

Dilemat për dialogun pa ‘vija të kuqe’10 mars, 2019

Dilemat për dialogun pa ‘vija të kuqe’10 mars, 2019

Lekaj i përgjigjet Listës Serbe për planet për rrëzimin e Qeverisë Haradinaj, “pritja juaj do të zgjasë”

Lekaj i përgjigjet Listës Serbe për planet për rrëzimin e Qeverisë Haradinaj, “pritja juaj do të zgjasë”

Legalizimi i ngadalshëm i armëve pa leje në Kosovë

Legalizimi i ngadalshëm i armëve pa leje në Kosovë

Rrëzohet avioni, humbin jetën të gjithë pasagjerët dhe ekuipazhi

Rrëzohet avioni, humbin jetën të gjithë pasagjerët dhe ekuipazhi

Qeveria mund të përgjysmohet me Ligjin e ri, mund të mbesin vetëm 11 ministri

Qeveria mund të përgjysmohet me Ligjin e ri, mund të mbesin vetëm 11 ministri

Një grua goditet nga kamioni në magjistralen Prishtinë-Pejë

Një grua goditet nga kamioni në magjistralen Prishtinë-Pejë

Lista Serbe: Do ta rrëzojmë Qeverinë e Kosovës nëse opozita i siguron 51 vota

Lista Serbe: Do ta rrëzojmë Qeverinë e Kosovës nëse opozita i siguron 51 vota

Lista Serbe: Kosova po fabrikon aktakuza ndaj serbëve për ta thyer rezistencën e tyre

Lista Serbe: Kosova po fabrikon aktakuza ndaj serbëve për ta thyer rezistencën e tyre

Vuçiq, pas takimit me patriarkun Irinej: Serbia ndodhet në situatë të vështirë përballë Kosovës

Vuçiq, pas takimit me patriarkun Irinej: Serbia ndodhet në situatë të vështirë përballë Kosovës

Taksa nuk hiqet, Thaçi e Veseli e sulmojnë Haradinajn në takim me David Hale

Taksa nuk hiqet, Thaçi e Veseli e sulmojnë Haradinajn në takim me David Hale