Vizitorët në Sheshin e Parlamentit në Londër të shtunën ishin të befasuar për të parë një grua të vetmuar, të veshur me të kuqe dhe duke “ecur” me këmbë dhe duar.

Sipas mediave britanike, përcjell Telegrafi, një veprim i tillë nga ajo fillimisht ka nxitur shumë teori rreth saj.

Por sipas një personi në rrjetet sociale, bëhet fjalë për artisten e quajtur Ana Mendie. Një tjetër sugjeroi se artistja është Ellen Angus, i cili jeton dhe punon midis Nottingham dhe Umea, Suedi.

Gjithsesi, thuhet se nuk është hera e parë që artistët e tillë kanë bërë konfuzë londinezët dhe turistët e kryeqytetit britanik.

Në vitin 2016, artistja Milo Moire ishte në kryeqytet duke promovuar shfaqjen e saj “Mirror Box”, në të cilën ajo u ofron anëtarëve të publikut mundësinë të ndjejnë gjinjtë ose organet gjenitale për tridhjetë sekonda.

Por ajo u arrestua nga policia pas një ankese nga një kalimtar, i cili nuk ishte i impresionuar me rutinën e saj. /Telegrafi/