Ndryshimi i orës këtë vjeshtë do të bëhet të dielën e fundit të tetorit (30 tetor), kur në orën 03:00 (sipas orës sonë) akrepat e orës do të shkojnë në 02:00.
Nga kjo ditë të gjithë do të kenë një orë më shumë për gjumë.
Ndryshimi i orës më parë në Evropë ka qenë jo i njëtrajtshëm, por ajo filloi të përgjithësohej nga viti 1974, pas krizës së parë të naftës, kur disa vende vendosën të çojnë përpara orën në mënyrë që të shfrytëzonin më shumë dritën e diellit dhe të konsumonin më pak energji elektrike.
Norma evropiane vendosi në mënyrë të qëndrueshme datat e fillimit të periudhës së orës së verës (kur ora shkon një orë përpara) dhe përfundimin e saj (kur ora shkon një orë pas ), që tani respektivisht janë e diela e fundit e marsit dhe e diela e fundit e tetorit.
