Tatimpaguesit mund të përfitojnë edhe një tjetër shërbim online

E publikuar: 16/05/2019 20:33
Rreshtat+- AShkronjat+- Printo

Tatimpaguesit mund të përfitojnë edhe një tjetër shërbim online. Drejtoria e Përgjithshme e Tatimeve ka njoftuar se tashmë tatimpaguesit mund të pajisen nëpërmjet portalit e-Albania me certifikatën e rezidencës tatimore.

Drejtoria e Përgjithshme e Tatimeve, në kuadër të reformës së Derregulimit, si një nga nismat më të rëndësishme të Qeverisë Shqiptare, për lehtësimin dhe modernizimin e shërbimeve publike, bën me dije se “Certifikata e Rezidencës Tatimore”, tashmë mund të merret përmes platformës elektronike e-Albania, në çdo kohë dhe pa asnjë kosto.

Ky shërbim i ri online ofron dokumentin me vlerë ligjore, i cili vërteton pagesën e tatimeve për të ardhurat globale në Shqipëri, nga ana e subjektit kërkues. Kjo Certifikatë me vulë dixhitale, njihet nga të gjitha shtetet me të cilat Shqipëria ka Marrëveshje për shmangien e taksimit të dyfishtë dhe parandalimin e Evazionit Fiskal”.

Drejtoria e Përgjithshme e Tatimeve mbetet e angazhuar maksimalisht në lehtësimin e procedurave, për të ofruar në çdo kohë dhe me sa më pak kosto, një shërbim cilësor për të gjithë tatimpaguesit.

Shërbimet që ofrohen online

çdo sipërmarrësi apo individi se mund të realizojë online pagesat e 13 detyrimeve tatimore, përmes platformës e-Albania, në çdo kohë dhe pa asnjë kosto printimi.  Pagesat mund të kryhen direkt nga vendi i punës, shtëpia apo edhe celulari. /Monitor