Të gjithë e vunë re mungesën e Saimir Tahirit sot në mbledhjen e Këshillit të Mandateve dhe Rregullores teksa prokurorët paraqisnin prova sekrete për ta gozhduar.
Sipas raportimeve në media, me tu kthyer në ambientet e Kryesisë së Kuvendit, Tahiri ka zhvilluar një takim kokë më kokë me kryetarin e Këshillit të Mandateve dhe Rregullores, Gramoz Ruçin.
Siç raporton burimeve “BalkanWeb”, Tahiri është parë të hyjë në zyrën e Ruçit gjatë kohës së pauzës në komision.
Ata të dy raportohet të kenë biseduar vetëm disa minuta, e më Tahiri ka dalë nga zyra për të shkuar në mbledhje. Pas tij në mbledhje hyri edhe Ruçi.
Avokati i Tahirit me të marrë fjalën kërkoi tre ditë kohë me argumentin që të përgatiste mbrojtjen. Ruçi nuk e pranoi kërkesën e avokatit, as të opozitës, megjithatë i dha kohë: 24 orë.
“Vendim për të blerë kohë” që Tahiri të prishë provat që e fundosin, e quajti opozita.