Ministri i Drejtësisë, Abelard Tahiri, në një konferencë për media gjatë ditës së sotme ka treguar se i kanë shkëputur të gjitha kontaktet me autoritetet serbe për zbardhjen e vrasjes së Oliver Ivanoviqit.
Sipas tij, kjo ka ndodhur për shkak se presidenti serb, Aleksander Vuçiq po i strehon të kërkuarit për vrasjen e tij, raporton lajmi.net.
“E kemi shkëputur çdo lloj bashkëpunimi me palën serbe, për shkak se Vuçiq po i strehon të dyshuarit”, ka thënë Tahiri.
Ai ka folur edhe për dokumentin e prezentuar nga Vuçiq që thotë se Rada Trajkoviq ka dëshmuar në Prokurorinë Speciale për këtë rast.
Ka thënë se një dokument i tillë është manipulim i rradhës nga Serbia.
Ai po ashtu u ka bërë thirrje autoriteteve të Serbisë që të dorëzojnë të kërkuarit për vrasjen e Ivanoviqit.