Tahiri: Serbia patjetër ta njohë Kosovën, nëse dëshiron në BE

09.03.2015 10:05
Rreshtat+- AShkronjat+- Printo

Serbia është e vetëdijshme se e ka patjetër që ta njohë shtetin e Kosovës para se të hyjë në Bashkimin Evropian, ka deklaruar ministrja kosovare pa portofol e ngarkuar për dialogun me Beogradin, Edita Tahiri, në një intervistë për të përditshmen serbe “Danas”.

Sipas Tahirit, siç transmeton KosovaPress-i, dialogu në Bruksel do të quhet i suksesshëm atëherë kur të arrihet qëllimi i tij, e ky është që edhe Kosova edhe Serbia të bëhen pjesë e BE-së.

“Serbia për nevoja interne dhe të marketingut shtëpiak politik mund të mendojë dhe ta interpretojë Marrëveshjen e Brukselit si të dojë, megjithëse është e vetëdijshme se kjo paraqet obligim ndërkombëtar dhe standard të BE-së. BE ligjërisht e ka obliguar Serbinë për normalizimin e marrëdhënieve të mira fqinjësore me Kosovën dhe ky kusht është konkretizuar në Kapitullin 35 në procesin e asocimit për Serbinë. Serbia gjithashtu është e vetëdijshme se para se të hyjë në BE e ka patjetër që ta njohë shtetin e Kosovës”, ka thënë Tahiri.

Lidhur me asociacionin e komunave me shumicë serbe në Kosovë, Tahiri ka cekur se, konform legjislaturës kosovare dhe Marrëveshjes së Brukselit, “ai nuk do të ketë autorizime ekzekutive, e as mbikëqyrëse, porse rol koordinues dhe këshilldhënës”.

“Këtë pala serbe e di prej se është nënshkruar Marrëveshja e Brukselit. Jam duke e përcjellë debatin mes zyrtarëve serbë – i këshilloj që t’i harrojnë iluzionet dhe të kujtojnë se ç’u kontraktua në Bruksel. Ministria e Administrimit të Pushtetit Lokal e Kosovës në dhjetor 2013 ia prezentoi BE-së Projektin e Statutit të Asociacionit, porse bisedimet ende nuk kanë filluar për shkak të vonimit të zbatimit të Marrëveshjes. Konsiderojmë se zbatimi i plotë dhe i mbikëqyrshëm i marrëveshjes për gjyqësorin, mbyllja e ‘mbrojtjes civile’ dhe e të gjitha strukturave paralele serbe, do të sigurojnë kushtet e nevojshme për hapjen e çështjes së asociacionit”, ka thënë Tahiri.

Ajo ka cekur se “serbët gëzojnë më shumë të drejta se minoritetet tjera në Kosovë dhe në rajon” dhe se “krahasuar me të drejtat e minoriteteve në Serbi, posaçërisht me ato të shqiptarëve në Luginën e Preshevës, të drejtat e serbëve të kosovës janë ku e ku më të mëdha”.

Kryenegociatorja kosovare në dialogun Prishtinë-Beograd ka theksuar se “çështja e pronave kurrë s’ka qenë dhe as që do të jetë temë e negociatave në Bruksel”.

“Tentimet e Serbisë që kjo çështje të hapet hasën në refuzim kategorik nga ana e Kosovës. Sovraniteti mbi pronën dhe mjetet i takon shtetit kosovar, sepse, po e theksoj, Gjykata Ndërkombëtaree Drejtësisë më 2010 e konfirmoi ligjshmërinë e Deklaratës së Pavarësisë”, ka thënë Edita Tahiri.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Meta: Nuk ka dhe nuk do të ketë zgjedhje pa dekretin e presidentit

Meta: Nuk ka dhe nuk do të ketë zgjedhje pa dekretin e presidentit

Shkup: Pas trysnisë nga BE-ja shtohen angazhimet kundër korrupsionit

Shkup: Pas trysnisë nga BE-ja shtohen angazhimet kundër korrupsionit

Matoshi bashkë me deputetë dalin në teren,  vizitojnë një gurëthyes në Malishevë

Matoshi bashkë me deputetë dalin në teren, vizitojnë një gurëthyes në Malishevë

Tanin kritika të ashpra ndaj autoriteteve kosovare për arrestimin e punonjësve të UNMIK-ut

Tanin kritika të ashpra ndaj autoriteteve kosovare për arrestimin e punonjësve të UNMIK-ut

Daçiq plot ankesa ndaj Kosovës në OKB: Populli serb po terrorizohet

Daçiq plot ankesa ndaj Kosovës në OKB: Populli serb po terrorizohet

Vuçiq: Gati se është e sigurt që nuk do të ketë takim në Paris

Vuçiq: Gati se është e sigurt që nuk do të ketë takim në Paris

Osmani: Kosova dhe Maqedonia e Veriut intensivisht po lidhen mes veti

Osmani: Kosova dhe Maqedonia e Veriut intensivisht po lidhen mes veti

Gjilani me dhjetëra aktivitete për 20-vjetorin e çlirimit

Gjilani me dhjetëra aktivitete për 20-vjetorin e çlirimit

Mullisët dhe Agjencia e Ushqimit me mospajtime rreth cilësisë së miellit

Mullisët dhe Agjencia e Ushqimit me mospajtime rreth cilësisë së miellit

Nis bixhozi i paligjshëm në Kosovë, policia konfiskon mijëra euro

Nis bixhozi i paligjshëm në Kosovë, policia konfiskon mijëra euro

Regjistrimi i popullsisë, opozita maqedonase kërcënon me bojkot

Regjistrimi i popullsisë, opozita maqedonase kërcënon me bojkot

Krasniqi: Thelbi i tensioneve në Shqipëri është lufta për kontrollin e tregjeve ekonomike

Krasniqi: Thelbi i tensioneve në Shqipëri është lufta për kontrollin e tregjeve ekonomike

Në Gjilan u inaugurua projekti për avancimin e zyreve të e prokurimit, donacion i USAID’it

Në Gjilan u inaugurua projekti për avancimin e zyreve të e prokurimit, donacion i USAID’it

Gjykata e Apelit ka vetëm dy gjyqtarë që merren me çështje ekonomike

Gjykata e Apelit ka vetëm dy gjyqtarë që merren me çështje ekonomike

Beqaj: Synojmë krijimin e punësimit përmes ngritjes së aftësive eksportuese

Beqaj: Synojmë krijimin e punësimit përmes ngritjes së aftësive eksportuese

Labinot Tahiri takon Haradinajn, e falenderon për fillimin e asfaltimit të një rruge

Labinot Tahiri takon Haradinajn, e falenderon për fillimin e asfaltimit të një rruge