Sveçla ul nga 2500 në 500 euro qarkullimin financiar që duhet ta dëshmojnë ata që vijnë të studiojnë nga rajoni

E publikuar: 29/04/2021 20:02
Rreshtat+- AShkronjat+- Printo

Nxënësit parauniversitar dhe studentë që kanë ardhur nga vendet e rajonit kanë qenë të detyruar të dëshmojnë qarkullimin financiar prej 2 mijë e 500 eurosh.

Me këtë rast, ministri i Punëve të Brendshme, Xhelal Sveçla, tha se e ka ulur këtë shumë në 500 euro.

“Deri tani në vendin tonë të gjithë nxënësit e mësimit parauniversitar edhe studentët që kanë ardhur nga vendet përreth kanë qenë të detyruar të dëshmojnë qarkullim financiar prej 2500 eurosh. Kjo gjë ka paraqitur shumë telashe për studentët, sidomos ata shqiptarë nga Shqipëria, Maqedonia, Lugina e Mali i Zi.Si ministër i MPB-së sot kam marrë vendim që këtë shumë ta zvogëloj në mënyrë drastike në vlerë prej 500 eurosh”.

“Kudo që do të jetë e mundur do të përpiqemi ta lehtësojmë jetën e qytetarëve e bashkëkombasve tanë, veçanërisht jetën studentore, të cilën të gjithë e kemi kaluar dhe jemi përballur me shumë sfida”.