Sundimi i Ligjit – 100 ditë të një Qeverie tjetër

23.03.2015 16:04
Rreshtat+- AShkronjat+- Printo
Sundimi i Ligjit – 100 ditë të një Qeverie tjetër

BURIM RAMADANI
Një qeveri e përkushtuar në luftën kundër Krimit të Organizuar dhe Korrupsionit do të vepronte shpejtë dhe profesionalisht për 100 ditët e para. Do të vendoste themelet me veprime konkrete. Me politika të sakta, të qarta e me guxim. Në këtë Qeveri të tashme, u bënë 100 ditë qeverisje dhe nuk doli asnjë ide për sundimin e ligjit. E të mos flasim për veprime. Hiq! Ama, bash hiq!
Lufta kundër krimit të organizuar dhe korrupsionit duhet të jetë prijëse. Në politikat e institucioneve, në përkushtimin e zyrtarëve, në ëndrrën e ndërtimit të demokracisë. Sepse, pikërisht krimi e korrupsioni po e ngulfasin demokracinë. Sepse, pikërisht kjo po e korrupton vendimmarrjen. Dhe, vendimmarrja jo e drejtë, përshkallëzohet në ngulfatje të së drejtës. Ngulfatje të demokracisë. E tillë ishte edhe kjo periudhë 100 ditëshe që e kaluam me qeverinë e re.

Një Qeveri tjetër, e përkushtuar në luftën kundër Krimit të Organizuar dhe Korrupsionit, për 100 ditë të qeverisjes do të bëntë të paktën këto veprime institucionale:

Do të draftonte Ligjin për themelimin e Agjencisë për Luftimin e Krimit të Organizuar dhe Korrupsionit – ALKOK, një mekanizëm i rolit të Byrosë Kombëtare të Hetimeve, në të cilin do të përfshiheshin ligjërisht pjesë të rëndësishme të koordinimit të përditshëm midis Policisë, Prokurorisë dhe Gjyqësorit.

Do të ndërmerrte veprime konkrete me planifikim të koordinuar për reformimin dhe ristrukturimin e Policisë së Kosovës. Organizata policore ka mungesa të shumta të përcjelljes së informatës, vendimmarrjes operative dhe planifikimit strategjik. Disa hallka të organizatës nuk janë funksionale e disa të tjera vetëm sa e komplikojnë atë.

Do të rishikonte vendimet joligjore të deritashme. E të tilla ka, fatkeqësisht, shumë. Përfshirë këtu vendime në kundërshtim me vendimet e gjykatave, vendime që shkojnë në kundërshtim kme ligjet, dualizim të mekanizmave, emërime e ç’emërime, ndarje të fondeve për çështje krejt personale a grupore, e të ngjashme.

Do të rriste menjëherë buxhetin për institucionet e zbatimit të ligjit. Jo vetëm tek çështja e të ardhurave, që është e domosdoshme, por edhe tek pajisjet, sidomos në disa fusha krejt të veçanta dhe specifike, sikurse teknologjia informative e të ngjashme.

Do të funksionalizonte plotësisht zinxhirin komandues brenda Policisë së Kosovës. Këtu nuk do të merrej fare parasysh mbështetjet politike për zyrtarë të caktuar, sidomos në Drejtoritë Rajonale të ndryshme nëpër Kosovë.

Do të zhvillonte modelin e matjes së përditshme të performancës në të gjitha nivelet në Policinë e Kosovës, e njëjtë edhe në institucionet tjera. Fatkeqësisht, një model i tashëm nuk është funksional, është i abuzuar në përmesa të mëdha, si dhe shkakton padrejtësi.

Do të fuqizonte dhe reformonte Drejtorinë e Hetimeve të Krimeve Ekonomike. Kjo është domosdoshmëri për luftimin e korrupsionit, parasë së zezë, monopolit, por po ashtu edhe për rritjen e sigurisë së investimeve dhe ndaljen e dukurive të këqija të reketit apo të ngjashme.

Do të themelonte Qendrën Koordinuese midis Policisë-AKI-Dogana-Prokurori. Kjo qendër do të kishte rolin e rëndësishëm të shpërndarjes së informatave midis këtyre institucioneve në kohë reale. Pra, 24/7. Puna në këtë Qendër do të ishte e nivelit profesional, pra zyrtarëve adekuat për shpërndrajen ndër-institucionale të informatave. Kjo do të ndikonte thelbësisht në përshpejtimin dhe efikasitetin e veprimit të institucioneve të zbatimit të ligjit dhe të sigurisë në Kosovë kundër dukurive negative.

Do të zvogëlonte shpenzimet qeveritare. Kjo vlen për të gjitha institucionet, që nga zvogëlimi i Qeverisë e deri tek eleminimi i shpenzimeve të panevojshme, për të cilat jemi dëshmitarë që po vazhdojnë në vrull të njëjtë.

Do të zhvillonte sistemin e Prokurorimit Elektronik, si një prej masave të rëndësishme për luftimin e korrupsionit. Edhe më tutje, Prokurimi mbtetet një prej burimeve kryesore të korrupsionit.

Do të zhvillonte Pakon Sociale për pjesëtarët e Policisë, FSK-së dhe zjarrëfikësve. Këtu përfshihen sidomos Sigurimi Shëndetësor dhe Sigurimi Jetësor. Kjo do të ishte një prej politikave nxitëse të efektivitetit të institucioneve të zbatimit të ligjit dhe sigurisë në Kosovë.

Do të reformonte Inspektoratin Policor të Kosovës. Mënyra e tashme e funksionimit e ka sjellë IPK-në në një “super-polici”, e cila nuk ndihmon, por vetëm shkakton probleme të funksionimit të sektorit të sigurisë. IPK-ja, realisht, nuk ka mbikëqyrje. Është shndërruar në një institucion mbi Policinë, me “huazim” të përgjegjësive edhe nga Policia.

Do të zhvillonte politikat për fokusimin e trupave prokuroriale në fusha të specializuara. Sidomos në luftimin e trafikut me narkotikë, trafikut me qenie njerëzore, terrorizmit, Prokurimit Publik, qarkullimit të parasë së zezë, e të ngjashme.

Do të miratonte Programin Kombëtar për luftimin e drogave dhe për parandalimin e dhunës nëpër shkolla në shkolla fillore e të mesme. Kjo çështje edhe më tutje mbetet një prej problemeve të mëdha të Kosovës.

Brenda 100 ditëshit do ta draftonte Ligjin për Policinë Komunale. Në fillim të vitit 2016 Prishtina do të kishte Policinë Komunale, ndërsa në fillim të vitit 2017 edhe qendrat tjera rajonale në Kosovë.

Do të draftonte dhe miratonte Programin Kombëtar për parandalimin e Ekstremizmit të Dhunshëm dhe Terrorizmit. Vonesat në këtë çështje i kanë shkaktuar mjaft dëme Kosovës. Tek e fundit, drafti i parë i kësaj qasjes ishte bërë në korrik të vitit 2007, por që nga atëherë është neglizhuar plotësisht dhe pakuptimshëm.

Do të investonte menjëherë në përmirësimin e kushteve të punës për Agjencinë e Menaxhimit të Emergjencave dhe qartësimin e përgjegjësive ndër-institucionale në këtë fushë. Kushtet janë të mjerueshme për zjarrëfikësit e zyrtarët tjerë të kësaj Agjencie.

Do të lanconte Iniciativën Rajonale për Luftimin e Krimit të Organizuar. Kosova do të merrte rol të rëndësishëm në vendosjen dhe koordinimin e veprimeve të përbashkëta rajonale në luftimin e krimit të organizuar.

Në anën tjetër, u bënë 100 ditë qeverisje dhe nuk doli asnjë ide nga Qeveria aktuale për sundimin e ligjit. E të mos flasim për veprime. Hiq, fare! Në kohën kur fusha e sundimit të ligjit do të duhej të jetë vërtetë prioritare. Kurrë deri më tash nuk ka pasur kërkesë më të madhe të brendshme e të jashtme për të luftuar krimin dhe korrupsionin. Pikërisht se tashmë gjithçkaje negative i është arritur kulmi. Tejkalimi i mëtutjeshëm i gjendjes së tillë do të mund të përshkallëzojë të keqen.

Autori është ish-deputet i Kuvendit të Kosovës dhe ligjërues i Studimeve të Sigurisë Kombëtare.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Nga Enver Dugolli: Presidenti Thaçi sot paska vizituar burgun e Dubraves! Pse me 25 maj? Pse pas 21 viteve?

Nga Enver Dugolli: Presidenti Thaçi sot paska vizituar burgun e Dubraves! Pse me 25 maj? Pse pas 21 viteve?

Nga Muhamet Shala: Si e fitoi luftën në vetëm gjashtë ditë gjenerali gjenial Moshe Dayan

Nga Muhamet Shala: Si e fitoi luftën në vetëm gjashtë ditë gjenerali gjenial Moshe Dayan

Ja la emrin vajzës Republikë, u burgos dhe më pas u ekzekutua në Burgun e Dubravës nga forcat serbe

Ja la emrin vajzës Republikë, u burgos dhe më pas u ekzekutua në Burgun e Dubravës nga forcat serbe

The Times: Ekipi i Thaçit thotë se ai s’i frikësohet Speciales, rivalët të kundërtën

The Times: Ekipi i Thaçit thotë se ai s’i frikësohet Speciales, rivalët të kundërtën

Nga Lirim Gashi: Pse duhet të Rimëkëmbet Social Demokracia?

Nga Lirim Gashi: Pse duhet të Rimëkëmbet Social Demokracia?

Nga Mark Marku: Një front qëndrese qytetare kundër diktaturës së mafias

Nga Mark Marku: Një front qëndrese qytetare kundër diktaturës së mafias

Hafizi që i zmbrapsi bullgarët nga Prishtina

Hafizi që i zmbrapsi bullgarët nga Prishtina

Stadi i trendëve ekonomike post covid, dhe rendi i krijuar në të ardhmen

Stadi i trendëve ekonomike post covid, dhe rendi i krijuar në të ardhmen

Në negociatat me Serbinë rreziku kryesor për Kosovën e ka emrin Hashim Thaçi

Në negociatat me Serbinë rreziku kryesor për Kosovën e ka emrin Hashim Thaçi

Nga Driton Smakaj: Një politikë në dakordim të plotë me SHBA-të nuk përbën servilizëm!

Nga Driton Smakaj: Një politikë në dakordim të plotë me SHBA-të nuk përbën servilizëm!

Nga Fahri Xharra: Koptët e Egjyptit dhe shqiptarët

Nga Fahri Xharra: Koptët e Egjyptit dhe shqiptarët

Në prag të Luftës së Ftohtë!

Në prag të Luftës së Ftohtë!

Berisha: Po, cili, intelektual?

Berisha: Po, cili, intelektual?

Sovraniteti formë demokratike që buron nga populli

Sovraniteti formë demokratike që buron nga populli

Çka jeni hallakatë?

Çka jeni hallakatë?

Ng Driton Smakaj: Letër elektronike Gjergj Kastriotit!

Ng Driton Smakaj: Letër elektronike Gjergj Kastriotit!