Suhareka në mbështetje të Blerim Kuçit (Foto)

E publikuar: 03/06/2017 16:02
Rreshtat+- AShkronjat+- Printo

Kandidati për deputet nga radhët e AAK-së, Blerim Kuçi, po mbështetet me të madhe nga qytetarët e komunës së Therandës për zgjedhjet e 11 qershorit. Ai ka zgjedhur kontaktin e drejtpërdrejtë me bashkëvendësit e tij në qytet, por edhe nëpër fshatrat e komunës dhe më gjerë, për të bashkëbiseduar në lidhje me ofertën qeverisëse të koalicionit PDK-AAK-Nisma, me kryeministër Ramush Haradinaj.

Qytetarë të shumtë po i bashkohen çdo ditë ekipit dhe vizionit të Blerim Kuçit nëpër familje, lagje, fshatra e qytete. Tubime të mëdha, në mbështetje të Blerim Kuçit, janë organizuar edhe në Prishtinë dhe qytete të tjera të Kosovës, nga të rinjtë kryeqytetas, studentë të rajoneve të ndryshme të vendit, biznesmenë, miq e familjarë. Shumë prej tyre kanë mbushur rrjetet sociale me foto dhe mesazhe mbështetëse nga këto aktivitete.

Blerim Kuçi, është kandidat për deputet në Kuvendin e Kosovës, në listën e koalicionit PDK-AAK-Nisma me numër 26.

Kuçi është sekretar organizativ i Aleancës për Ardhmërinë e Kosovës. Ai, në zgjedhjet lokale të vitit 2009, kishte shkaktuar sensacion, duke arritur të shënoj fitore bindëse për kryetar të Therandës, kundrejt kandidatit të LDK-së, parti kjo që e konsideronte Therandën, bastion të pamposhtur të saj.

Gjatë mandatit të tij në krye të komunës, Theranda mori çmimin e parë për qeverisje nga organizata me renome botërore.

Blerim Kuçi njihet edhe si biznesmen shumë i suksesshëm, i cili ka arritur të krijojë shumë vende pune si dhe të ndihmojë shumë familje në nevojë si dhe të ndajë dhjetëra bursa për studentë për vite me radhë. Motoja e fushatës së tij është “Ka ardhë koha, për shtet të vërtetë”.