Mesfushori spanjoll, Denis Suarez, ka thënë se shpreson se Hector Bellerin do ta lë Arsenalin për t’iu bashkuar Barcelonës.

Bellerin ka qenë pjesë e akademisë së Barcelonës, para se të transferohet në Arsenal në vitin 2011.

22 vjeçari i Spanjës lidhet me një kalim në “Camp Nou” që një kohë të gjatë, që shihet si zëvendësues i Dani Alves dhe Suarez shpreson që kjo të ndodhë.

“Njerëzit duan më të mirët në Barcelonë dhe shpresoj se do të vij Bellerin”, tha Suarez, i cili gjendet me Spanjën U21 në Kampionatin Evropian.

“Lojtarët e talentuar janë gjithmonë të mirëseardhur”, shtoi ai.

Bellerin, i cili ka kontratë me Arsenalin deri në vitin 2023, e mbylli sezonin me 33 paraqitje në Premierligë, që përfunduan në pozitën e pestë, jashtë Ligës së Kampionëve.

Suarez zbuloi edhe të ardhmen, që lidhet me një kalim të mundshëm në Napoli.

Do të vazhdoj të qëndroj në Barcelonë edhe sezonin e ardhshëm”, deklaroi Suarez për Cadena Ser.