Stevo Pendarovski zyrtarizohet si president i Maqedonisë së Veriut

10.05.2019 14:26
Rreshtat+- AShkronjat+- Printo
Stevo Pendarovski zyrtarizohet si president i Maqedonisë së Veriut

Presidenti i ri i Maqedonisë së Veriut, Stevo Pendarovski, do të ndryshojë raportet e këtij institucioni me Qeverinë, por edhe me komunitetin ndërkombëtar, bazuar sipas vlerësimeve të njohësve të çështjeve politike.

Paraprakisht, edhe partitë në pushtet të udhëhequra nga LSDM-ja, që e kishin nominuar dhe zgjedhur për president, kanë thënë se me Stevo Pendarovskin në krye të shtetit, Maqedonia e Veriut do të vazhdojë kursin euroatlantik të qeverisë dhe si dhe konceptin e saj, “Një shoqëri për të gjithë”.

Albert Musliu, analist dhe drejtues i shoqatës, “Iniciativa Demokratike” beson se vendi përfundimisht do t’i jap fund bllokimit të procesit të reformave nga presidenti i deritanishëm, Gjorge Ivanov, i cili kishte refuzuar dekretimin e dhjetëra ligjeve për shkak të mospranimit të emrit të ri të shtetit, Maqedonia e Veriut, ndërsa kishte mbajtur zvarrë edhe shumë vendime tjera në politikën e jashtme, emërimin e ambasadorëve, por edhe ratifikime të marrëveshjeve dypalëshe.

“Gjithsesi se me zgjedhjen e këtij presidenti dhe nëse ai i përmbush premtimet që i ka dhënë gjatë fushatës, por edhe mbrëmjen kur u kumtua se është zgjedhur president, mendoj se gjithë procesin e përshpejton, jo vetëm për faktin se nuk do të ketë dilema për nënshkrimin e ligjeve që janë me rëndësi për Maqedoninë e Veriut, por ai do t’i jap një impuls pozitiv edhe raporteve të vendit me partnerët tanë euroatlantik. Mendoj se do të kemi një president më të përgjegjshëm dhe më vizionar lidhur me ardhmërinë euroatlantike të shtetit”, thotë Musliu.

Presidenti i ri, Stevo Pendarovski në postin e kreut të shtetit u zgjodh edhe me votat e shqiptarëve, të cilat ishin vendimtare në fitoren e tij. Musliu thotë se ai do të jetë ndryshe nga tanimë ish presidenti Ivanov, i cili kishte refuzuar dekretimin e Ligjit për gjuhën shqipe, si dhe zgjidhje tjera që kanë të bëjnë me shqiptarët.

“Pikë së pari mendoj se presidenti i ri do të respektojë plotësisht Ligjin e ri për përdorimin e gjuhëve. Nga ana tjetër, nuk besoj se ai do të bëjë zgjedhje politike të personave sa për tu parkuar në Presidencë. Pres që të mos ketë dilema në këtë temë dhe se relacionet me shqiptarët do të shënojnë një përmirësim më rrënjësor apo përmbajtësor”, thotë Musliu.

Pendarovski: Do të jem president i të gjithëve

Ish presidenti Gjorge Ivanov, pas përfundimit të mandatit nuk e ka përjashtuar mundësinë e shkuarjes në pension, pasi ligji aktual i jep privilegje të shumta, pagë të njëjtë sikur edhe presidenti në detyrë, kabinet të posaçëm, të paktën katër punonjës e përfitime tjera. Njohësit e çështjeve juridike thonë se ky ligj duhet të ndryshojë meqë pas përfundimit të mandatit ish presidentët mund të vazhdojnë angazhimin e tyre në sfera të ndryshme.

“Megjithatë, duhet të punojnë apo të jenë në shërbim të shoqërisë. Janë njerëz që vërtetë mund të kontribuojnë dhe ata mund të bëjnë një gjë të tillë nëse u shkurtohen privilegjet. Veç kësaj, ne jemi shtet i varfër dhe nuk duhet të lejojmë që persona të tillë pavarësisht se kanë qenë në poste të larta të jenë të privilegjuar. Ivanov është i ri në moshë dhe mund të jap kontribut në profesionin e tij, por edhe në sfera tjera të shoqërisë. Mund t’i jepet pension deri sa të gjendet në shoqëri, por nuk mendoj se duhet t’i jepet pension deri në fund të jetës”, thotë Temellko Ristevski, njohës i çështjeve juridike.

Ndryshe, presidenti i ri, Stevo Pendarovski, ka marrë urime të shumta me rastin e fitores në zgjedhjet presidenciale, si nga përfaqësues të Bashkimit Evropian ashtu edhe nga SHBA-ja.

Stevo Pendarovski ka thënë se do të jetë presidenti i të gjithë qytetarëve pa dallim përkatësinë e tyre etnike, fetare apo politike dhe se qëllimi kryesor i tij do të jetë uniteti e jo ndarja e popullit dhe realizmi i aspiratave për anëtarësim në NATO dhe BE.

Ai në balotazhin e 5 majit rreth 60 mijë vota diferencë mundi kandidaten e opozitës maqedonase, Gordana Siljanovska-Davkova. Mandati i presidentit të Maqedonisë së Veriut zgjat pesë vjet

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Ismail Tasholli: Çelësin e marrëveshjes Kosovë-Serbi e ka vetëm Uashingtoni

Ismail Tasholli: Çelësin e marrëveshjes Kosovë-Serbi e ka vetëm Uashingtoni

Haradinaj: Kemi nevojë për mbështetjen e Perëndimit për marrëveshje me Serbinë

Haradinaj: Kemi nevojë për mbështetjen e Perëndimit për marrëveshje me Serbinë

Putin: Ndërhyrja ushtarake e SHBA-ve në Venezuelë do të ishte një katastrofë

Putin: Ndërhyrja ushtarake e SHBA-ve në Venezuelë do të ishte një katastrofë

Hoxhaj kundërshton idenë e Unionit Ballkanik: Nuk na duhet Jugosllavia e re

Hoxhaj kundërshton idenë e Unionit Ballkanik: Nuk na duhet Jugosllavia e re

Negociatat për BE, Holanda: Shqipëria ka rrugë të gjatë

Negociatat për BE, Holanda: Shqipëria ka rrugë të gjatë

Britania e Madhe u bën thirrje Kosovës dhe Serbisë të vazhdojnë dialogun

Britania e Madhe u bën thirrje Kosovës dhe Serbisë të vazhdojnë dialogun

Haradinaj: Kosova dhe Gjermania tani kanë një nivel të ri të marrëdhënieve

Haradinaj: Kosova dhe Gjermania tani kanë një nivel të ri të marrëdhënieve

Bisedime SHBA – Meksikë për tarifat

Bisedime SHBA – Meksikë për tarifat

Xhandarmëria serbe shkel 8 km brenda territorit të Kosovës

Xhandarmëria serbe shkel 8 km brenda territorit të Kosovës

Vuçiq: Kosova është bebe e Gjermanisë

Vuçiq: Kosova është bebe e Gjermanisë

Një kryetar i komunës në Kosovë ka vetëm 35 euro në bankë

Një kryetar i komunës në Kosovë ka vetëm 35 euro në bankë

Tahiri Samitin e Parisit e sheh si përafrim të njohjes së Kosovës nga Serbia

Tahiri Samitin e Parisit e sheh si përafrim të njohjes së Kosovës nga Serbia

Mbahet mbledhja e Komisionit për Kompleksin “Adem Jashari”, Limaj tregon çka u diskutua

Mbahet mbledhja e Komisionit për Kompleksin “Adem Jashari”, Limaj tregon çka u diskutua

Mjekët e QKUK-së ia hoqën fëmijës bulonin që e kishte gëlltitur para 4 viteve

Mjekët e QKUK-së ia hoqën fëmijës bulonin që e kishte gëlltitur para 4 viteve

Evropa në rrezik nga drogat

Evropa në rrezik nga drogat

O’Connell: Kosova ka bërë hapa të vegjël, por pozitiv drejt luftës kundër korrupsionit

O’Connell: Kosova ka bërë hapa të vegjël, por pozitiv drejt luftës kundër korrupsionit