Presidenti gjerman Frank-Walter Steinmeier u tha gjermanëve se ata po jetonin në Gjermaninë më të mirë që ka ekzistuar ndonjëherë, 30 vjet pas ribashkimit të vendit pas Luftës së Ftohtë.
“Në këto kohë, vendi ynë ka treguar se jemi të bashkuar, jemi të fortë dhe veprojmë me përgjegjësi”, tha ai duke falënderoi të gjithë ata që kishin kontribuar në begatinë e Gjermanisë gjatë tre dekadave të fundit, raporton ATSh.
“Asnjë pandemi nuk mund të na pengojë të jemi krenarë për përparimin e vendit. Sot ne jetojmë në Gjermaninë më të mirë që ka ekzistuar ndonjëherë”, shtoi presidenti gjerman.
