Spalletti: Nuk jam i befasuar nga fjalët e Joao Marios

E publikuar: 13/11/2017 10:35
Rreshtat+- AShkronjat+- Printo

Trajneri i Interit, Luciano Spalletti, nuk është i befasuar nga fjalët e Joao Marios.

Portugezi ditë më parë tha se nuk është i kënaqur me minutat në fushë dhe se është duke menduar largimin gjatë janarit.

“Joao Mario? E njoh mirë, nuk jam i befasuar nga fjalët e tij”, ka thënë Spalletti për Gazzetta dello Sport.

“Është e drejt që ai dëshiron të luajë më shpesh dhe unë e konsiderojë si lojtar mjaftueshëm të mirë për ta inkuadruar si startues, por kushdo që po luan në vendin e tij nuk ka bërë asgjë keq”.

“Nëse ne mund të përmirësohemi do ishte e mirë, por nuk do jetë e lehtë të gjejë lojtarë më të mirë se këta që kam aktualisht në skuadër”.

“Më vjen mirë që askush nuk po flet më për ‘fatin’ e Interit”, ka shtuar Spalletti.

Aktualisht Interi renditet në vendin e tretë me 30 pikë, dy më pak se Napoli në pozitën e parë. /Telegrafi/