Luciano Spalletti e ka cilësuar Kupën e Italisë si objektiv për ekipin e tij, Interin.
Nerazzurrët janë eliminuar nga Liga e Kampionëve pasi nuk arritën të kalojnë grupin, me Barcelonën dhe Tottenhamin që kaluan tutje.
Në kampionatin italian kanë mbetur paksa mbrapa liderit Juventusit dhe gara e vetme e hapur ka mbetur ajo e Kupës së Italisë.
Edhe trajneri italian i Nerazzurrëve, Spalletti mendon se Kupa e Italisë është një objektiv për skuadrën e tij.
“Kupa e Italisë është sigurisht një objektiv”, ka thënë fillimisht Spalletti për Inter TV.
“Kjo është ndoshta më e thjeshtë për të arritur, sepse ka më pak ndeshje në rrugën drejt finales”.
“Klube të mëdha marrin pjesë dhe do të jetë e vështirë, por një skuadër si Interi duhet të synojë fitoren”, përfundoi trajneri italian.
🗣 | “We have a strong mentality.”
Listen to what Coach #Spalletti had to say to @Inter_TV on the eve of #InterBenevento” 📹👇 pic.twitter.com/Fg4POsetYG
— Inter (@Inter_en) January 12, 2019
Ndryshe, Interi luan nesër (e diel) ndaj Beneventos në 1/8-tën e Kupës së Italisë, ndeshja e cila fillon nga ora 18:00 dhe zhvillohet në Giuseppe Meazza.
Në rast fitoreje, Nerazzurrët do të përballen me Lazion në çerekfinale, pasi ekipi nga kryeqyteti fitoi me lehtësi ndaj Novaras. /Telegrafi/
The 23 players who have been included in our matchday squad for #InterBenevento 📋👇 pic.twitter.com/2dhNxT350e
— Inter (@Inter_en) January 12, 2019
