Interi fitoi me rezultat 2-1 ndaj Sampdoria në Giuseppe Meazza, trajneri Luciano Spalletti është i lumtur me rezultatin, por edhe pse në stadium ishte Mauro Icardi.
Por, tekniku italian pas ndeshjes tha se do ishte më i lumtur që argjentiasi t’i bashkohej skuadrës në zhveshtore për festën e fitores.
“E vlerësoj shumë që ai ishte në stadium dhe do ta vlerësoja edhe më shumë nëse do vinte në dhomën e zhveshjes të festonte me ne, pasi ishte një fitore e rëndësishme për skuadrën dhe ai është pjesë e këtij grupi. Mendoj se ai ishte i lumtur me fitoren po aq sa ne”.
Drejtori Giuseppe Marotta sot (e diel) më herët ka thënë se largimi i shiritit të kapitenin nuk ka të bëjë me kontratën, Saplletti vazhdoi:
“Ne duam të rikthehemi në normalitet. Në një ekip, në zhveshtore, kalojmë kohë së bashku, flasim për këtë apo atë, por duhet punuar të gjithë në të njëjtin drejtim”.
“Ende ka shumë hapa për t’u bërë, të cilët janë për atë dhe të vijë në zhveshtore, të kënaqet teksa është pjesë e këtij grupi shumë të mirë, të përjetojë ndjesinë e veshjes së kësaj fanelle të lavdishme të një klubi si Interit”.
“Ndeshja? Ne ishim pak të ndrojtur në pjesën e parë dhe Samp po lëviznin mirë me topin rreth e përqark, të detyronin t’i ndiqje. Ne të gjithë duhet t’i tregojmë kualitetet individuale dhe t’i vendosim në skuadër si grup”.
“Më të vërtetë më pëlqeu duartrokitja nga tifozët pas barazimit, na ndihmuan të rikthehemi në rrugën e duhur dhe na dhanë fuqi në një moment të vështirë. Fitorja është shenjë e pjekurisë”, ka thënë Saplletti. /Telegrafi/
