Anglezi Jesse Lingard dhe francezi Anthony Martial pritet t’i mungojnë nga tri javë Manchester Unitedit.
Humbja nga Paris Saint-Germian në 1/8-tën e Ligës së Kampionëve ka shkaktuar më shumë probleme sesa vetëm rezultati 2-0.
Kjo pasi klubi anglez ka humbur edhe shërbimet e dyshes sulmuese, Lingard e Martial, të cilët u lënduan në këtë ndeshje.
Ole has an update on the fitness of @JesseLingard and @AnthonyMartial. #MUFC
— Manchester United (@ManUtd) February 15, 2019
Sikurse mesfushori me tipare sulmuese anglez, ashtu edhe sulmuesi francez pritet t’i mungojnë Djajve të Kuq deri në tri javë.
Lingard i lënduar (Foto: Michael Regan/Getty Images/Guliver)
Ky konfirmim i lëndimeve dhe mungesës së tyre erdhi nga vet trajneri i Unitedit, norvegjezi, Ole Gunnar Solskjaer.
“Lingard dhe Martial do të jenë jashtë deri në tre javë pas lëndimeve ndaj PSG-së në mesjavë”, ka thënë Solskjaer në konferencë shtypi.
Gianluigi Buffon duke e ngushëlluar Martialin pas lëndimit (Foto: Michael Regan/Getty Images/Guliver)
Mungesa e dyshes sulmuese pritet të jetë e madhe për Unitedin pasi do të humbin plot pesë ndeshje, ku tri nga to janë derbi.
Lingard dhe Martial do të mungojnë në ndeshjen e Kupës FA ndaj Chelseat, në Ligën Premier ndaj Liverpoolit, Crystal Palace e Southamptonit dhe takimin kthyer ndaj PSG-së. /Telegrafi/
OFFICIAL: Ole Gunnar Solskjær confirms that Jesse Lingard and Anthony Martial will be out for up to three weeks after suffering injuries against PSG midweek. pic.twitter.com/vQDpiqBuWK
— Squawka News (@SquawkaNews) February 15, 2019
