Skuadra e De Biasit pranoi katër gola, trajneri ndihet i turpëruar

E publikuar: 20/11/2017 01:32
Rreshtat+- AShkronjat+- Printo

Ish-përzgjedhësi i Shqipërisë, Gianni de Biasi dhe Alavesi i tij, nuk kanë arritur të mbajnë ritmin e rezultateve pozitive.

Pas fitores një javë më parë, këtë herë skuadra e tij ka pësuar një humbje me goleadë. 4-1 në favor të Getafes, që tregojnë momentin e vështirë që po kalon ekipi i De Biasit, por edhe vet trajneri.

(Foto: Getty Images)

Nuk mbahet mend se sa kohë kanë kaluar nga ndeshja e fundit kur ai ka pësuar katër gola, transmeton Panorama Sport.

Gjatë drejtimit të Kombëtares shqiptare kjo nuk ndodhi asnjëherë dhe maksimumi i golave të pësuar ishin tre.

Trajneri është rebeluar shumë me rezultatin e ndeshjes ndaj Getafes, si edhe për mënyrën se si luajti skuadra e tij.

“E kishim përgatitur ndeshjen shumë mirë, por nuk i bëmë ato që kemi bërë në stërvitje”.

(Foto: Getty Images)

“Goli i parë ishte për fajin tonë, ndërsa penalltia na ‘vrau’. Ishte shumë bujare nga ana e arbitrit, por ata e merituan fitoren”.

“Më vjen turp nga kjo situatë ku ndodhemi, por duhet të reagojmë patjetër në ndeshjen e ardhshme”, ka thënë ish-trajneri i Shqipërisë.