Skepticizëm për pranimin e Kosovës në Interpol

12.10.2019 12:54
Rreshtat+- AShkronjat+- Printo
Skepticizëm për pranimin e Kosovës në Interpol

Kosova të martën pritët të sfidohet sërish për anëtarësim në organizatën policore ndërkombëtare, Interpol, por përkundër aplikimit, njohësit e sigurisë dhe marrëdhënieve ndërkombëtare shprehen për KosovaPress, skeptik se vendi ynë mund të pranohet edhe kësaj radhe në këtë organizatë multilaterale policore.

Edhe pse vitin e kaluar Kosova dështoi, dhe disa vite më parë nuk aplikoi, përgatitjet lobuese për këtë vit po konsiderohen që janë bërë pak dhe gabueshëm. Ndërkohë, nga dikasteri i Ministrisë së Punëve të Jashtme, nuk dhanë përgjigje për KosovaPress-it se cilat janë pritjet e Kosovës për këtë vit.

Njohësi i çështjeve të sigurisë, Nuredin Ibishi thotë se momentet më të duhura për lobim, Kosovën e gjetën në zgjedhje të parakohshme. Kjo sipas tij, ka humbur interesimin e institucioneve që të lobojnë në mënyrën e duhur dhe vazhdimësi.

Nga ana tjetër, sipas Ibishit, fushata agresive e Serbisë dhe vendi ku do të mbahet asambleja e Interpolit në Amerikën Jugore, nuk krijojnë një ambient shpresëdhënës për Kosovën.

“Nuk është lobuar në mënyrën e duhur, në kuptim të asaj se jo vetëm që u gjetëm në fazën e fushatës për zgjedhjet e legjislaturës së shtatë. Por realisht Ministria e Punëve të Jashtme në radhë të parë, por edhe Ministria e Punëve të Brendshme, gjerësisht Qeveria e Kosovës kanë bërë shumë pak, që të kontribuojnë që ne të pranohemi. Në anën tjetër, jemi në një situatë që Serbia në vazhdimësi ka lobuar dhe lobon kundër pranimit tonë. Dhe një situatë kur në Amerikën Jugore janë shumë shtete që realisht neve nuk na kanë pranuar si shtet, dhe janë kundër pranimit tonë. Nuk kemi një ambient shumë shpresëdhënës”, thotë Ibishi për KosovaPress.

Ndërkaq, njohësi i marrëdhënieve ndërkombëtare, Artan Murati, thotë për KosovaPress, se Kosova duhej të ishte më e kujdesshme në aplikim, pasi sipas tij, një refuzim potencial do të ndikonte negativisht me raportet me shtetet që janë anëtare dhe votojnë kundër.

“Ne në vazhdimësi ne po bëjmë hapa të ngutshëm për të aplikuar pa e pa terrenin dhe deponimin e shteteve anëtarë dhe shteteve që do të votojnë. Konsideroj që ne duhet të jemi shumë të kujdesshëm me manovrat. Një refuzim potencial do të ndikonte negativisht me raportet me shtetet që janë anëtare dhe votojnë kundër”, deklaron Murati.

Edhe pse fillimisht zëvendësministrja në detyrë e Punëve të Jashtme, Rejhan Vuniqi e kishte konfirmuar deklarimin për pritjet e tyre për anëtarësim në Interpol, ajo më pas nuk ishte e qasshme në thirrjet e KosovaPress-it.

Në ditët kur po afrohet asambleja e Interpolit në Kili të Amerikës Jugore, ka marrë hovin fushata lobuese e Serbisë kundër Kosovës. Ministri i tyre i brendshëm, por dhe ai i Punëve të Jashtme, thanë se do të bëjnë luftë të ashpër që Kosova mos të jetë pjesë e kësaj organizate policore.

Ndryshe, për t’u pranuar Kosovës i duhet vota e dy të tretave të shteteve anëtare, apo nga 194 vende, duhet të sigurohen mbi 120 vota.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Personat më të kërkuar nga Policia e Kosovës

Personat më të kërkuar nga Policia e Kosovës

Driton Selmanaj: Albin Kurti, përmes videove u është drejtuar  qytetarëve, jo për LDK’në

Driton Selmanaj: Albin Kurti, përmes videove u është drejtuar qytetarëve, jo për LDK’në

Vuçiq thotë se jam i lumtur që Linja ajrore Prishtinë-Beograd, ndodhi pa e njohur Kosovën

Vuçiq thotë se jam i lumtur që Linja ajrore Prishtinë-Beograd, ndodhi pa e njohur Kosovën

Manajn transferohet në Barcelonë

Manajn transferohet në Barcelonë

Haradinaj: Po, Edi ishte angazhuar në idenë e ndarjes

Haradinaj: Po, Edi ishte angazhuar në idenë e ndarjes

Mavraj: Ndalni linçimet, prandaj s’do kush të qeveris me Ju

Mavraj: Ndalni linçimet, prandaj s’do kush të qeveris me Ju

Familja nga Istogu jeton në varfëri të skajshme, kërkon ndihmën e qytetarëve

Familja nga Istogu jeton në varfëri të skajshme, kërkon ndihmën e qytetarëve

Fluturimi 50 minutësh Kosovë – Serbi – ka plotë detaje që duhet të sqarohen

Fluturimi 50 minutësh Kosovë – Serbi – ka plotë detaje që duhet të sqarohen

Metodologjia e re e BE-së nga perspektiva integruese e Maqedonisë së V.

Metodologjia e re e BE-së nga perspektiva integruese e Maqedonisë së V.

Për tri vjet KEK-u investoi 1 milion euro për komunitetin

Për tri vjet KEK-u investoi 1 milion euro për komunitetin

Serbët Grenellit për Thaçin: Kujdes nga gjarpri, binde të vijë në Beograd pas marrëveshjes

Serbët Grenellit për Thaçin: Kujdes nga gjarpri, binde të vijë në Beograd pas marrëveshjes

Lufthansa synon të hap korridorin ajror Prishtinë – Beograd

Lufthansa synon të hap korridorin ajror Prishtinë – Beograd

Grenell: Trumpit i takon merita për marrëveshjen për fluturimet Kosovë-Serbi

Grenell: Trumpit i takon merita për marrëveshjen për fluturimet Kosovë-Serbi

Haxhiu: Për të jetësuar vullnetin e qytetarëve ne kemi bërë shumë kompromise, radha e LDK’së

Haxhiu: Për të jetësuar vullnetin e qytetarëve ne kemi bërë shumë kompromise, radha e LDK’së

LDK të martën mbledh Kryesinë, pas nominimit të Kurtit si mandatar për formimin e Qeverisë

LDK të martën mbledh Kryesinë, pas nominimit të Kurtit si mandatar për formimin e Qeverisë

27.9 milionë euro u peshojnë “fajdet” e qytetarëve në Monego dhe Iute Credit

27.9 milionë euro u peshojnë “fajdet” e qytetarëve në Monego dhe Iute Credit