Në rastin e zgjedhjes së Thaçit president partitë në pushtet janë kujdesur t’i kenë 81 deputetë në sallë.
Njohësi i rrethanave politike dhe juridike, Driton Selmanaj ka thënë se nuk ka pasur shkelje procedurale dhe kushtetuese me rastin e zgjedhjes së Hashim Thaçit president.
Në një intervistë për ‘Epokën e re’, Selmanaj ka thënë se prania e 81 deputetëve në sallë e ka siguruar kuorumin e mjaftueshëm.
Por, sipas tij, kontestimi i presidentit në aspektin legal nga opozita është një e drejtë kushtetuese që u lejohet deputetëve të Kuvendit të Kosovës.
Selmanaj ka thënë se Gjykata Kushtetuese mund të mos e trajtojë fare kërkesën e opozitës, duke e cilësuar atë si çështje të gjykuar në rastin Pacolli.
