Situata me Covid-19 në Kosovë: Një person në gjendje të rëndë shëndetësore

E publikuar: 08/06/2020 15:01
Rreshtat+- AShkronjat+- Printo

Pas lehtësimit të masave në Kosovë është rritur dukshëm numri i të infektuarve me virusin Covid-19, por në Shërbimin Spitalor Klinik e Universitar të Kosovës po trajtohen vetëm 20 pacientë trë infektuar me këtë virus.

Drejtoresha e Klinkës Infektive në ShSKUK, Lindita Ajazaj-Berisha ka thënë për Reporterin, se momentalisht numri i të infektuarve që janë duke u trajtuar është 20.
“Momentalisht i kemi 20 pacientë me COVID-19, prej tyre 5 janë në oksigjeno terapi kurse një person është në mjekim intensiv”, ka thënë ajo.

Kosova vazhdon të përballet me Coronavrusin, pavarësisht lehtësimit të masave ku vetëm dje u konfirmuan 40 raste të reja të prekur me COVID-19.

Numri i përgjithshëm i të infektuarve është 1 mijë e 234, kurse numri i të shëruarve është 890. Numri i viktimave si shkak i Coronavirusit në Kosovë është 31.