Shaban Tasholli, nënkryetar i Sindikatës së Policisë së Kosovës, ka deklaruar se kjo sindikatë dëshiron ta shoh implementimin e Ligjit të pagave, qysh në muajin dhjetor.
Tasholli tha se Sindikata e Policisë e kundërshton shfuqizimin e Ligjit për pagat.
“Pakënaqësia është në nivelin e lartë dhe nëse kërkesat tona mbesin ashtu siç dëshiron dikush, ne nuk do të rrijmë duarkryq”, tha ai.
“Nivelizimi i pagave është aprovuar nga qeveria. Kemi pasur vështirësi sepse paga e policëve ka qenë shumë e ulët. Jemi pajtuar, është pajtuar kryeministri dhe qeveria dhe është bërë ai ligj ashtu. E tani një punë që kalon të gjitha fazat të kthehet mbrapsht?!”, tha Tasholli, në Info Magazine të Klan Kosovës.
Tasholli nuk e anashkaloi mundësinë e futjes në greve, megjithatë theksoi se përderisa janë në pritje të pagave nuk do të ndërmarrin ndonjë veprim.
