Trajneri i Atletico Madridit, Diego Simeone, thotë se Barcelona mbetet skuadra më e fortë në botë. 

Ndeshja zhvillohet në Ëanda Metropolitano, ku diskutohet vendi i parë në LaLiga.

Barcelona është lider pas tyre vijnë Atletico  dhe Sevilla që kanë një pikë më pak.

“Unë e konsideroj Barcelonën të jetë ekipi më i mirë në botë gjatë viteve të fundit, pavarësisht se nuk e ka atë qëndrueshmëri në Evropë”.

Barcelona . (Photo by Emilio Andreoli/Getty Images)

“Ne e dimë se ata janë të rrezikshëm edhe nëse luan [Philippe] Coutinho ose Malcom, ata do të kenë shpejtësi dhe shumë lojtarë të rrezikshëm”.

“Ne jemi munduar të shmangim lëndimet dhe për këtë lojë, ne do të kemi vetëm tre mungesa. Ne e dimë se sa e rëndësishme është ndeshja”, ka thënë Simeone.

Simeone foli për rinovimin e tij dhe të portierit Jan Oblak.

“Klubi po punon me Oblakun që të vazhdojë me ne. Ne kemi nevojë për atë dhe është shumë i rëndësishëm për të tashmen dhe të ardhmen e klubit tonë nëse ai qëndron këtu”.

“Kam folur edhe unë me Gil Marin [për rinovim], por ende nuk e kemi finalizuar”, deklaroi Simeone. /Telegrafi/