Si e varrosën të gjallë Mitrush Kutelin në Kënetën e Maliqit

15.08.2015 15:01
Rreshtat+- AShkronjat+- Printo
Si e varrosën të gjallë Mitrush Kutelin në Kënetën e Maliqit

Ndërsa njerëzit ngatërroheshin nëpër zhurmën e ceremonisë së përkujtimit të ditëlindjes së Mitrush Kutelit, një burrë i thinjur nisi të rrëfejë një histori të vjetër
Me këtë qëllim kishte ardhur enkas nga Elbasani. Fillin e nisi nga një ditë e veçantë… nga viti 1948.

Hamza Tusha, atëherë ishte një djalosh i ri që vuante një dënim në kampin e Vloçishtit.

Atje kishte marrë vesh rastësisht, se në kampin e tyre po kalonte dënimin edhe një shkrimtar i madh.

I kishin thënë se shkrimtari quhej Dhimitër Pasko.

Kishte dëgjuar për të shumë rrëfime nën zë nga të tjerët ndërsa vetë ende nuk kishte arritur ta njihte.

“Ajo ditë e ftohtë prilli, bëri që unë ta njihja nga afër, e në një mënyrë mjaft tragjike,” nis të tregojë burri i thinjur.

“Ndërsa punonim të gjithë aty në atë kamp, një kapter që quhej Skënder, thërret me të madhe që t’i sillnin atë shkrimtarin. Pastaj urdhëroi dy të tjerë që t’i hapnin një gropë të madhe mbi një metër e gjysmë të thellë”.

Të burgosurit kanë parë me sy të habitur gjithë ç’kishte ndodhur në ato pak minuta, gjithë lëvizjet e shpejta të lopatave që nxirrnin dheun rreth gropës që merrte formë nga minuta në minutë.

Më tej panë shkrimtarin që tërhiqej me forcë, se si e kanë zhveshur, se si e kanë plandosur më tej në gropën e thellë, ashtu të zhveshur lakuriq.

“Mbaj mend që atëherë ishte shumë ftohtë. Ishte ndoshta fillim prilli dhe koha ende nuk kishte nisur të ngrohej. Si e futën brenda në gropë, e mbuluan me plisat që kishin lënë rreth saj, derisa dheu i arriti deri tek mjekra,” shpjegon me hollësi bashkëvuajtësi i hershëm i shkrimatrit të madh

“Pastaj e lanë aty, të futur brenda në tokën e ftohtë e të lagësht afër kënetës së Maliqit. Si kaluan disa orë, atij filloi t’i ikë fytyra. Iu shtrembëruan nofullat dhe nuk nxirrte dot asnjë tingull nga goja. Ne të gjithë e shihnim, pa mundur të bënim asgjë. Të ktheje fjalë atëherë, sidomos në situata të tilla, ishte si ta kërkoje vdekjen me zor!!” thotë Hamzai.

“Atë kohë komandant kampi ishte një i quajtur Tasi Marko. Në momentin që ai kishte ardhur për të thirrur të burgosurit, një shoku im që kisha në krah më thotë: “Sa keq, ky njeri që është groposur këtu është një shkrimtar i madh. Pse nuk i del komandantit përpara t’i tregosh” (unë isha komandant i një brigade të vogël të burgosurish që udhëhiqja punën). Megjithëse kisha shumë frikë, e mora guximin dhe i dola përpara komandantit duke i thënë: “Kapterr Skënderi ka futur një njeri të gjallë në dhe!” Mbaj mend që ai u alarmua. Kërkoi me ngulm të gjente kapterrin që kish bërë këtë veprim. Më pas e nxorën trupin e shkrimtarit duke i bërë shërbimet e duhura që ai të vinte në vete!”.

Kanë kaluar shumë vite, që nga 1948. Gjithsesi burri i thinjur nuk ka mundur ta zbehë kujtimin e atyre ditëve.

Aq më shumë ky kujtim iu përforcua në ditën kur një djalë dhe një vajzë i kishin trokitur në derë.

Ishin të bijtë e atij shkrimtari të përvuajtur, të cilët kishin dashur ta njihnin nga afër njeriun për të cilin babai u kishte folur gjatë.

“Më thanë se babai i tyre u kishte rrëfyer për një njeri që e kishte shpëtuar dikur nga vdekja. E ai njeri isha unë. Ndaj jam këtu, më shumë për të nxjerrë nga vetja atë kujtim që më rëndonte shumë mbi supe, sesa për të marrë pjesë në diskutimet e kësaj ceremonie përkujtimore”, përfundon rrëfimin e tij Hamza Tusha.

/Gazeta Minerva

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Policia jep detaje të reja për vdekjen e 86-vjeçares në Gjilan

Policia jep detaje të reja për vdekjen e 86-vjeçares në Gjilan

Babai dhe vëllai e rrahin vajzën respektivisht motrën

Babai dhe vëllai e rrahin vajzën respektivisht motrën

Dhjetëra pseudo çlirimtarë na kushtuan më shtrenjtë, se sa  t’i kishim paguar 100.000 legjionarë

Dhjetëra pseudo çlirimtarë na kushtuan më shtrenjtë, se sa t’i kishim paguar 100.000 legjionarë

Afër dështimit sistemi i drejtësisë në mbrojtjen e fëmijëve

Afër dështimit sistemi i drejtësisë në mbrojtjen e fëmijëve

E thotë shefi i GP të Vetëvendiosjes, se s’ka dallime në koalicion për reciprocitetin

E thotë shefi i GP të Vetëvendiosjes, se s’ka dallime në koalicion për reciprocitetin

Faik Zogaj thotë se nuk do t’i përgjigjet ftesës së Gjykatës Speciale

Faik Zogaj thotë se nuk do t’i përgjigjet ftesës së Gjykatës Speciale

I zgjatet mandati edhe për 6 muaj si shefe e BE-së në Kosovë

I zgjatet mandati edhe për 6 muaj si shefe e BE-së në Kosovë

Të premten mblidhet Komisioni Hetimor për shkarkimin e Metës

Të premten mblidhet Komisioni Hetimor për shkarkimin e Metës

‘Gënjeshtrat’ të akterëve politik, e detyrojnë dikur asambleistën e LDK’së dhe AAK’së, të tërhiqet nga politika!

‘Gënjeshtrat’ të akterëve politik, e detyrojnë dikur asambleistën e LDK’së dhe AAK’së, të tërhiqet nga politika!

Kryetari i Forumit Ekonomik Mbarë-Shqiptar, Fejzi: Mbështesim vendosjen e reciprocitetit ndaj Serbisë dhe largimin e taksës 100%

Kryetari i Forumit Ekonomik Mbarë-Shqiptar, Fejzi: Mbështesim vendosjen e reciprocitetit ndaj Serbisë dhe largimin e taksës 100%

Anëtarët e Komisionit për shëndetësi zotohen për bashkëpunim: Sëmundja s’ka librezë partiake

Anëtarët e Komisionit për shëndetësi zotohen për bashkëpunim: Sëmundja s’ka librezë partiake

Sfidat e KEK-ut për stabilitet dhe siguri në sektorin energjetik

Sfidat e KEK-ut për stabilitet dhe siguri në sektorin energjetik

Vizita e parë e ministrit Veliu në Policinë e Kosovës, takohet me drejtorin e Përgjithshëm Qalaj

Vizita e parë e ministrit Veliu në Policinë e Kosovës, takohet me drejtorin e Përgjithshëm Qalaj

Chitetsu Watanabe, ka vdekur në Japoni në moshën 112-vjeçare

Chitetsu Watanabe, ka vdekur në Japoni në moshën 112-vjeçare

Nga Uashingtoni, Presidenti i Kosovës ka kritikuar BE’në

Nga Uashingtoni, Presidenti i Kosovës ka kritikuar BE’në

Bahrein, miliona karkaleca pushtuan rrugët dhe shoferët që ishin brenda u habitën

Bahrein, miliona karkaleca pushtuan rrugët dhe shoferët që ishin brenda u habitën