Dy degët “problematike” të PDK-së, Drenasi dhe Peja ende nuk kanë mbajtur Kuvendin. Veseli nuk flet për kandidaturën e tij si kryeministër.
Prej të gjitha degëve të PDK-së, vetëm dy nga to tyre ende nuk kanë zgjedhur strukturat e reja drejtuese.
Janë dy degë problematike; Peja dhe Drenasi.
Megjithëse ishte paraparë që zgjedhjet në këtë komunë të Drenicës të mbaheshin me 9 maj, ato janë shtyer për dhjetë ditë.
Në Drenasin, që është bastion i PDK-së, ka përçarje pasi tre kandidatë janë në garë.
Telashe të mëdha ka edhe në degën e PDK-së, ku shihet një rivalitet mes grupit të Xhavit Halitit dhe atij të Adem Grabovcit.
Por, këto probleme nuk po i sheh si të rëndësishme nënkryetari i PDK-së, Memli Krasniqi.
Përleshje pati edhe në Podujevë, megjithëse në fund Naim Fetahu u zgjodh kryetari i PDK në këtë qytet.
E përçarje pati edhe në Ferizaj, Gjilan e Skenderaj.
Sidoqoftë, Krasniqi zgjedhjet në PDK i ka cilësuar si demokratike.
Megjithëse ende nuk ka kandiduar zyrtarisht, shefi i deputetëve të PDK-së, thotë se Kadri Veseli ka përkrahjen e degëve për të qenë kryetar edhe për një mandat.
E Veseli ka disa javë që po përmendet nga zyrtarët e PDK-së si kryeminsitër i ardhshëm i Kosovës.
Për këtë çështje ende nuk është deklaruar i pari i Kuvendit.
As këtë të hëne, ai nuk dha ndonjë përgjigje të qartë nëse do të kandidojë për kryeminsitër në zgjedhjet e ardhshme.