Policia ushtarake e aeroportit Schiphol të Amsterdamit, ka arrestuar një shtetas shqiptar, pasi u përballën me një situatë të pazakontë.
Teksa po kryenin kontrollet rutinë, ata vërejtën se shqiptarit 30 vjeçar, iu hap valixhja nga e cila iu shpërndanë në ajër një shumë parash që mendohet të kenë qenë se paku 50,000 Euro, njofton Klan Kosova.
30 vjeçari u kap të dielën pasi policia u njoftua nga stafi i aeroportit.
Ai nuk mund të shpjegonte se nga i kishin ardhur paratë, por është akuzuar për pastrim parash, tha policia në mediat sociale.
I njëjti është dërguar në paraburgim të mërkurën ndërsa hetimi vazhdon. Një sasi e panjohur parash humbën nga era, tha policia.
