BE shpreh keqardhje për shtyrjen e zbatimit të Marrëveshjes për gjyqësorin

E publikuar: 17/10/2017 14:00
Rreshtat+- AShkronjat+- Printo

Bashkimi Evropian shpreh keqardhje për kërkesën e Serbisë që integrimi i personelit serb në gjyqësorin e Kosovës të shtyhet, tha zëdhënësja e bllokut, Maja Kocijançiq.

“Prishtina i ka përmbushur të gjitha obligimet në lidhje me zbatimin e Marrëveshjes për gjyqësorin. Integrimi i personelit është i rëndësishëm, sepse i kontribuon sundimit të ligjit në Kosovë, përkatësisht në rajonin e Mitrovicës”, tha Kocijançiq për gazetarët në Bruksel.

Sipas saj, kjo duhet të ndodhë sa më shpejt.

Kocijançiq kujtoi se përparimi i të dyja palëve në integrimin evropian është i lidhur me përparimin në dialogun për normalizimin e marrëdhënieve.