Kryetari i Komunës së Prishtinës, Shpend Ahmeti, priti sot në takim ambasadorin e sapoemëruar të Norvegjisë për Kosovën dhe Shqipërinë, Per Strand Sjaastad.
I pari i Prishtinës i uroi mirëseardhje ambasadorit norvegjez dhe e njoftoi atë me qeverisjen në Prishtinë, sfidat dhe të arriturat, si dhe projektet për të ardhmen.
Nga ana e tij, ambasadori Sjaastad shprehu kënaqësinë që do të jetë në shërbim në Kosovë dhe uroi për bashkëpunim të vazhdueshëm në fushën e qeverisjes lokale, për projekte me interes të përbashkët.
