Shkodër, përplasje me armë; 1 e vdekur dhe 2 të plagosur, në kërkim autori

08.03.2015 12:24
Rreshtat+- AShkronjat+- Printo

Policia e Shkodrës ka dhënë informacione për ngjarjen e së shtunës, ku gjeti vdekjen një 20-vjeçare dhe u plagosën rëndë 2 persona të tjerë. Bëhet e ditur se policia ka shoqëruar në komisariat një 31-vjeçar dhe ka shpallur në kërkim një person që dyshohet si autor i vrasjes.

Ngjarja e rëndë ka ndodhur në orët e natës së të shtunës, në një lokal nate në Kryebushat të Shkodrës. Një femër është vrarë me armë zjarri dhe dy persona të tjerë janë plagosur rëndë, pas një shkëmbimi zjarri. Viktima është shtetësja Elsa Tusha, 20 vjeçe, ndërsa dy të plagosurit janë shtetasit Paulin Ndoja, 34 vjeç, nga fshati Narac, dhe Selim Aleti, 56 vjeç, nga fshati Bërdicë.

Konflikti mes personave të përfshirë në këtë ngjarje ka nisur rreth orës 22:30 në ambientet e brendshme të lokalit me muzikë “live”, në kompleksin “Argenti”, në vendin e quajtur Kryebushat.

Pas një përleshjeje fizike, disa nga personat e përfshirë në konflikt kanë tentuar të largohen me automjetin e tyre BMW X5, me targa SH 6969 E, që ndodhej në afërsi të lokalit. Në këtë moment, mes palëve dyshohet se ka pasur dhe shkëmbim zjarri, ku për pasojë shtetësja Elsa Tusha, që ndodhej në sediljen e pasme të makinës BMW X5, ka marrë disa plumba në trup, duke i shkaktuar vdekjen e menjëhershme.

Ndërsa dy të plagosurit kanë marrë disa plagë serioze dhe i janë nënshtruar ndërhyrjes kirurgjikale në Spitalin Rajonal të Shkodrës. Shkak i këtij konflikti dyshohet se është bërë një grindje e çastit për motive banale.

Nga hetimet që po zhvillohen, dyshohet se 56-vjeçari i plagosur Selim Aleti ka tentuar të ndërhyjë për të shuar konfliktin. Ndërkohë dyshohet se janë të paktën dhe dy persona të tjerë, autorë në këtë ngjarje, të cilët kanë mundur të largohen.

Policia vazhdon hetimet për të përcaktuar pozicionin e personave të plagosur dhe të viktimës në këtë konflikt. Në lidhje me ngjarjen janë shoqëruar disa persona, ndërsa janë sekuestruar në cilësinë e provës materiale disa gëzhoja automatiku dhe pistolete. / Top Channel

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Wesley Clark vendimin e Trumpit e quan një tragjedi, “ne tradhëtuam aleatët tanë kurdë”

Wesley Clark vendimin e Trumpit e quan një tragjedi, “ne tradhëtuam aleatët tanë kurdë”

Turqia sulmon kurdët në Lindje të Mesme, ka disa faqe shqiptare në Facebook që e përkrahin

Turqia sulmon kurdët në Lindje të Mesme, ka disa faqe shqiptare në Facebook që e përkrahin

Merkel dënon sulmet e Turqisë ndaj kurdëve, kërkon ndalimin e luftimeve

Merkel dënon sulmet e Turqisë ndaj kurdëve, kërkon ndalimin e luftimeve

Turqia nis operacionin ushtarak kundër kurdëve në Sirinë verilindore

Turqia nis operacionin ushtarak kundër kurdëve në Sirinë verilindore

Avokatët thonë se informatori “rrezikohet” nga fjalët e Trumpit

Avokatët thonë se informatori “rrezikohet” nga fjalët e Trumpit

Trump: Procedura për shkarkim, mashtrimi më i madh

Trump: Procedura për shkarkim, mashtrimi më i madh

Dhoma e Përfaqësuesve nis hetimin zyrtar ndaj Trumpit për ta larguar atë nga detyra

Dhoma e Përfaqësuesve nis hetimin zyrtar ndaj Trumpit për ta larguar atë nga detyra

Konflikt i armatosur në Afganistan  – 35 civilë të vrarë

Konflikt i armatosur në Afganistan – 35 civilë të vrarë

Franca dërgon ekspertë për të hetuar sulmet në Arabinë Saudite

Franca dërgon ekspertë për të hetuar sulmet në Arabinë Saudite

OKB’ja do të hetojë sulmet në Arabinë Saudite

OKB’ja do të hetojë sulmet në Arabinë Saudite

Presidenti Filipineve: Qëlloni zyrtarët e korruptuar, nuk do përfundoni në burg

Presidenti Filipineve: Qëlloni zyrtarët e korruptuar, nuk do përfundoni në burg

Brexit-i është makth, thotë kryeministri i Luksemburgut

Brexit-i është makth, thotë kryeministri i Luksemburgut

Kampi në Siri ku po qëndrojnë ende disa kosovarë

Kampi në Siri ku po qëndrojnë ende disa kosovarë

Trump shkarkon këshilltarin për Siguri, John Bolton

Trump shkarkon këshilltarin për Siguri, John Bolton

Rritet shkalla e shkatërrimit në Bahamas

Rritet shkalla e shkatërrimit në Bahamas

Dunford: Nuk ka plane për tërheqjen e trupave nga Afganistani

Dunford: Nuk ka plane për tërheqjen e trupave nga Afganistani