Shtetet e Bashkuara njoftuan sot se kanë vendosur sanksione ndaj personave që shkelin të drejtat e njeriut në Rusi, Jemen dhe Haiti, në mesin e tyre edhe Ramzan Kadyrov, një udhëheqës çeçen dhe një aleat i ngushtë i presidentit rus Vladimir Putin.
Ministria e Financave njoftoi se, përveç Kadyrov, ajo vendosi sanksione për gjashtë kompani të regjistruara në Rusi, si dhe për pesë individë, të gjithë të lidhur ngushtë me Putin, njoftoi Reuters.
Sanksionet do të vendosen gjithashtu për tre persona në Haiti, për shkelje të të drejtave të njeriut, si dhe për pesë persona të lidhur me agjencitë e sigurisë dhe inteligjencës të kontrolluara nga Hutu në Jemen.
Departamenti i Shtetit njoftoi sot sanksione kundër 17 zyrtarëve të Kinës dhe qeverive të tjera të huaja, si dhe anëtarëve të familjes së tyre të ngushtë, për shkelje serioze të të drejtave të njeriut.
Midis zyrtarëve janë individë nga Salvadori dhe Xhamajka, tha sekretari i Shtetit Mike Pompeo, duke shtuar se një kinez u sanksionua për përfshirje në “shkelje të mëdha të të drejtave të njeriut” nga anëtarët e lëvizjes fetare Falun Gong, raporton Reuters.
Kjo lëvizje u themelua në vitin 1992, dhe në vitin 1999 u shpall heretike në Kinë.
