SHBA: Tërhiqet bllokimi i ndërtesës së Kongresit

E publikuar: 12/04/2015 10:44
Rreshtat+- AShkronjat+- Printo

Bllokada e ndërtesës së Kongresit të Shteteve të Bashkuara, që ka zgjatur afro dy orë, është tërhequr, mbrëmë vonë, pas vetëvrasjes së një personi që e ka bartur një shenjë protestuese.

Policia amerikane tha se ky person ka vdekur, pasi e kishte qëlluar vetveten me armë, në pjesën perëndimore të ndërtesës në Kapitoll.

Policia ka njoftuar se ky person e kishte një trastë shpine, një valixhe dhe një shkrim që thoshte diçka për “të drejtën sociale”.

Bllokada e ndërtesës në Kapitoll Hill u bë gjatë festivalit të Lulëzimit të Qershisë në Uashington, ku kanë marrë pjesë mijëra turistë.

Aktualisht Kongresi i Shteteve të Bashkuara ka pushim dy javor dhe pritet që ligjvënësit amerikanë ta vazhdojnë punën gjatë ditës së nesërme./rel/