SHBA e njeh Jerusalemin si kryeqytet të Izraelit

06.12.2017 20:00
Rreshtat+- AShkronjat+- Printo
SHBA e njeh Jerusalemin si kryeqytet të Izraelit

Presidenti i Shteteve të Bashkuara, Donlad Trump, tha se “është koha që Jerusalemi të njihet zyrtarisht kryeqytet i Izraelit”.

“Kam vendosur se është koha ta njohim zyrtarisht Jerusalemin si kryeqytet të Izraelit. Derisa presidentët e mëparshëm (v.j. amerikanë) e kanë bërë këtë premtim të madh, ata nuk e kanë realizuar. Sot, unë po e realizoj”, tha Trump.

Në një fjalim që mbajti të mërkurën, Trump po ashtu tha se ka urdhëruar Departamentin e Shtetit të nisë përgatitjet për zhvendosjen e ambasadës amerikane nga Tel Avivi në Jerusalem.

Vendimi i Trumpit për njohjen e Jerusalemit si kryeqytet të Izraelit paraqet ndryshim të politikës amerikane që statusi i qytetit të vendoset në negociata me palestinezët, të cilët duan që Jerusalemi Lindor të jetë kryeqytet i shtetit të tyre të ardhshëm.

Trump tha se dëshiron të bëjë gjithçka në fuqinë e tij për të ndihmuar arritjen e një marrëveshjeje të paqes, të pranueshme edhe për izraelitët, edhe për palestinezët.

Izraeli e mirëpriti lajmin, por palestinezët dhe udhëheqësit arabë, ashtu si dhe aleatët kyçë të SHBA-së, e paralajmëruan Trumpin se ky veprim rrezikon të nxisë dhunë në gjithë Lindjen e Mesme dhe të komplikojë procesin e paqes.

Kryeministrja e Britanisë, Theresa May, tha se do të bisedojë me Trumpin në lidhje me këtë çështje.

“Qëndrimi ynë nuk ka ndryshuar. Statusi i Jerusalemit duhet të përcaktohet nga një zgjidhje e negociuar midis izraelitëve dhe palestinezëve”, tha May.

Një zëdhënës i sekretarit të përgjithshëm të Kombeve të Bashkuara, Antonio Guterres, tha se ky i fundit e kundërshton çdo veprim të njëanshëm ndaj Jerusalemit, i cili mund të minojë zgjidhjen me dy shtete të konfliktit izraelito-palestinez.

“Ne gjithmonë e kemi konsideruar Jerusalemin si çështje të statusit përfundimtar, e cila duhet të zgjidhet me negociata të drejtpërdrejta nga të dyja palët, bazuar në rezolutat përkatëse të Këshillit të Sigurimit”, tha zëdhënësi i OKB-së, Stephane Dujarric.

Presidenti i Turqisë, Recep Tayyip Erdogan, thirri një takim të posaçëm të Organizatës për Bashkëpunim Islamik – trupit kryesor pan-islamik në botë – për të diskutuar çështjen më 13 dhjetor.

Presidenti i Iranit, Hassan Rohani, tha se do të ndjekë samitin dhe se “nuk do të tolerojë shkelje të shenjtërive islamike”.

Zëdhënësi i presidentit të Autoritetit Palestinez, Mahmud Abbas, tha se njohja e Jerusalemit si kryeqytet i Izraelit do të ketë pasoja serioze për përpjejkjet e paqes, që udhëhiqen nga SHBA-ja.

Izraeli e ka pushtuar Jerusalemin Lindor në luftën e vitit 1967 dhe pretendon se i gjithë qyteti është kryeqytet i tij.

Megjithatë, sovraniteti i Izraelit mbi Jerusalemin nuk është njohur kurrë ndërkombëtarisht dhe të gjitha vendet i kanë ambasadat e tyre në Tel Aviv./rel/

Përgatiti: Valona Tela

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Paralajmërimi i kryetarit të Bujanocit për presidentin Thaçi: Nëse në shkëmbim nuk përfshihet krejt Lugina, do të ketë pasoja të rë

Paralajmërimi i kryetarit të Bujanocit për presidentin Thaçi: Nëse në shkëmbim nuk përfshihet krejt Lugina, do të ketë pasoja të rë

Zyrtari i Komunës ‘gërvish’ me thikë policin

Zyrtari i Komunës ‘gërvish’ me thikë policin

I akuzuari për terrorizëm: Në Siri shkova për çështje humanitare

I akuzuari për terrorizëm: Në Siri shkova për çështje humanitare

Podujevë, rrahet punëtori i KEDS-it

Podujevë, rrahet punëtori i KEDS-it

Mungesa e konsensusit rrezikon dialogun me Serbinë, thotë Haziri

Mungesa e konsensusit rrezikon dialogun me Serbinë, thotë Haziri

Indonezi: Fillon evakuimi i turistëve pas tërmetit

Indonezi: Fillon evakuimi i turistëve pas tërmetit

Përkujtohet Asllan Morina – “Plaku i maleve”

Përkujtohet Asllan Morina – “Plaku i maleve”

Mbahet edicioni i pestë i “Promenadë mërgimtare”

Mbahet edicioni i pestë i “Promenadë mërgimtare”

Hashim Thaçi me dy qëndrime për kufirin

Hashim Thaçi me dy qëndrime për kufirin

Franca ka nevojë për 130 mijë punëtorë për restorante dhe hotele

Franca ka nevojë për 130 mijë punëtorë për restorante dhe hotele

PSD nesër nis mbledhjen e nënshkrimeve për seancë të jashtëzakonshme

PSD nesër nis mbledhjen e nënshkrimeve për seancë të jashtëzakonshme

Pacolli: Idetë për korrigjim kufijsh janë retorikë dhe lojëra politike

Pacolli: Idetë për korrigjim kufijsh janë retorikë dhe lojëra politike

Partitë shqiptare në Maqedoni kundër ndryshimit të kufijve në Ballkan

Partitë shqiptare në Maqedoni kundër ndryshimit të kufijve në Ballkan

SHBA mohon të ketë pasur rol në shpërthimet e Venezuelës

SHBA mohon të ketë pasur rol në shpërthimet e Venezuelës

Vdes një 69 vjeçar në liqenin artificial të Mitrovicës

Vdes një 69 vjeçar në liqenin artificial të Mitrovicës

Ahmeti: Me këso qeverie dhe me këtë president të shkohet në negociata është rrezik i madh

Ahmeti: Me këso qeverie dhe me këtë president të shkohet në negociata është rrezik i madh