SHBA, Britania fajësojnë Rusinë për “sulme qëllimkëqija kibernetike”

17.04.2018 07:17
Rreshtat+- AShkronjat+- Printo
SHBA, Britania fajësojnë Rusinë për “sulme qëllimkëqija kibernetike”

Hakerë të sponsorizuar nga shteti rus po përpiqen të rrëmbejnë pajisje kritike të infrastrukturave, paralajmërojnë agjencitë e inteligjencës në Shtetet e Bashkuara dhe në Britaninë e Madhe.

Qendra Kombëtare e Sigurisë Kibernetike e Britanisë, FBI dhe Departamenti amerikan i Sigurisë Kombëtare lëshuan një deklaratë të përbashkët, duke thënë se fushata globale e hakerëve rusë është qëllimkeqe dhe mund të përshkallëzohet.

Moska nuk i komentoi ende akuzat, ndonëse, në të kaluarën, i ka mohuar të ngjashmet.

Paralajmërimi thotë se objektiva të fushatës janë “organizatat qeveritare, sektori privat dhe ofruesit e internetit që i mbështesin këta sektorë”.

“Aktorë të sponsorizuar nga shteti rus po përdorin routerë të komprometuar për të kryer sulme në mbështetje të spiunazhit, për të vjedhur pronësinë intelektuale, për të ruajtur qasjen e vazhdueshme në rrjetet e viktimave dhe për të hedhur themelet për operacione të ardhshme të ofensivave”, thuhet në deklaratën e përbashkët të agjencive të inteligjencës britanike dhe amerikane.

“Situata aktuale e rrjeteve në SHBA dhe Mbretërinë e Bashkuar, së bashku me fushatën e Qeverisë ruse për t’i shfrytëzuar ato, kërcënon sigurinë tonë dhe mirëqenien ekonomike”, thuhet po ashtu në deklaratë.

“Ata (hakerët rusë) mund të jenë të parapozicionuar për kohë tensionesh”, tha Ciaran Martin, udhëheqës i Qendrës Kombëtare të Sigurisë Kibernetike të Britanisë.

Koordinatori për siguri kibernetike i Shtëpisë së Bardhë, Rob Joyce, tha se Shtetet e Bashkuara dhe aleatët e tyre besojnë fuqishëm se Rusia qëndron prapa fushatës.

Joyce tha se SHBA mund të përgjigjet me sanksione të reja dhe aktakuza. “Do të përgjigjemi fuqishëm”, tha ai.

Britania dhe Shtetet e Bashkuara thanë se kanë lëshuar alarmin për t’i ndihmuar objektivat që të mbrohen dhe për të bindur viktimat që të ndajnë informacione me hetuesit qeveritarë.

“Ne nuk kemi njohuri të plotë për shkallën e rrezikut”, tha Jeanette Manfra, zyrtare për siguri kibernetike pranë Departamentit amerikan për Siguri Kombëtare.

Një zëdhënës i Qeverisë britanike tha se fushata globale e spiunazhit kibernetik tregon edhe një herë se si Rusia “i shpërfill normat ndërkombëtare dhe rendin global”.

Kjo është hera e parë që SHBA-ja dhe Britania lëshojnë deklaratë të përbashkët për të këshilluar të gjithë sektorët që mund të jenë komprometuar, duke ofruar hapa për të identifikuar dhe neutralizuar problemet e mundshme që lidhen me sulmet.

Gazeta Guardian shkruan se vendimi i SHBA-së dhe Britanisë për të dalë publikisht reflekton humbjen e durimit me Moskën, pas disa sulmesh kibernetike që besohet se e kanë origjinën në Rusi.

Paralajmërimi po ashtu mund të vijë për shkak të ndërhyrjes së dyshuar të Rusisë në zgjedhjet demokratike në SHBA dhe Evropë, mbështetjes së saj për presidentin e Sirisë, Bashar al-Assad, dhe incidenteve të tilla si përdorimi i agjentit nervor në Sallsbëri të Anglisë.

Përgatiti: Valona Tela

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Lista Serbe mori pjesë në seancë për të mos i djegur mandatet

Lista Serbe mori pjesë në seancë për të mos i djegur mandatet

Jamie Shea: Më vjen keq për “dëmet kolaterale”, bombardimet ishin të arsyeshme

Jamie Shea: Më vjen keq për “dëmet kolaterale”, bombardimet ishin të arsyeshme

Haradinaj thotë se përkrah mbylljen e kazinove

Haradinaj thotë se përkrah mbylljen e kazinove

Mediat daneze e vlerësojnë turpëruese paraqitjen ndaj Kosovës

Mediat daneze e vlerësojnë turpëruese paraqitjen ndaj Kosovës

Franca pa vija të kuqe në marrëveshjen Kosovë – Serbi

Franca pa vija të kuqe në marrëveshjen Kosovë – Serbi

Kosova mbetet e pamposhtur

Kosova mbetet e pamposhtur

Peticioni për ndalimin e BREXIT-it, kalon 1 milion nënshkrime

Peticioni për ndalimin e BREXIT-it, kalon 1 milion nënshkrime

AAK thotë se e përkrah mbylljen e kazinove

AAK thotë se e përkrah mbylljen e kazinove

Mustafa pyet ku është kufiri me Malin e Zi, kritikon ata që e votuan përfshirë deputetë të partisë së vet

Mustafa pyet ku është kufiri me Malin e Zi, kritikon ata që e votuan përfshirë deputetë të partisë së vet

Ministri Demiri thotë se zyrtarët e AAK-së e familjarët e tyre janë punësuar me meritë

Ministri Demiri thotë se zyrtarët e AAK-së e familjarët e tyre janë punësuar me meritë

Mali i Zi konsideron se korrigjimi i territoreve “nuk është ideja më e mirë”

Mali i Zi konsideron se korrigjimi i territoreve “nuk është ideja më e mirë”

Rritet kuota e ilaçeve në barnatoret e Maqedonisë

Rritet kuota e ilaçeve në barnatoret e Maqedonisë

Tahiri: Do të deklarojë pasurinë secila pozitë që ka potencial për abuzim

Tahiri: Do të deklarojë pasurinë secila pozitë që ka potencial për abuzim

Nënshkruhet memorandum mirëkuptimi mes Këshillit Prokurorial dhe Akademisë së Drejtësisë

Nënshkruhet memorandum mirëkuptimi mes Këshillit Prokurorial dhe Akademisë së Drejtësisë

Isa Mustafa për PSD-në: Si nuk e shohin vetën në pasqyrë – objektivisht janë në pozitë

Isa Mustafa për PSD-në: Si nuk e shohin vetën në pasqyrë – objektivisht janë në pozitë

Haradinaj: Përkujdesja për dinjitetin e pensionistëve detyrë dhe përkushtim i Qeverisë

Haradinaj: Përkujdesja për dinjitetin e pensionistëve detyrë dhe përkushtim i Qeverisë