SHBA, Britania fajësojnë Rusinë për sulme kibernetike

17.04.2018 09:57
Rreshtat+- AShkronjat+- Printo
SHBA, Britania fajësojnë Rusinë për sulme kibernetike

Hakerë të sponsorizuar nga shteti rus po përpiqen të rrëmbejnë pajisje kritike të infrastrukturave, paralajmërojnë agjencitë e inteligjencës në Shtetet e Bashkuara dhe në Britaninë e Madhe.

Qendra Kombëtare e Sigurisë Kibernetike e Britanisë, FBI dhe Departamenti amerikan i Sigurisë Kombëtare lëshuan një deklaratë të përbashkët, duke thënë se fushata globale e hakerëve rusë është qëllimkeqe dhe mund të përshkallëzohet.

Moska nuk i komentoi ende akuzat, ndonëse, në të kaluarën, i ka mohuar të ngjashmet.

Paralajmërimi thotë se objektiva të fushatës janë “organizatat qeveritare, sektori privat dhe ofruesit e internetit që i mbështesin këta sektorë”.

“Aktorë të sponsorizuar nga shteti rus po përdorin routerë të komprometuar për të kryer sulme në mbështetje të spiunazhit, për të vjedhur pronësinë intelektuale, për të ruajtur qasjen e vazhdueshme në rrjetet e viktimave dhe për të hedhur themelet për operacione të ardhshme të ofensivave”, thuhet në deklaratën e përbashkët të agjencive të inteligjencës britanike dhe amerikane.

“Situata aktuale e rrjeteve në SHBA dhe Mbretërinë e Bashkuar, së bashku me fushatën e Qeverisë ruse për t’i shfrytëzuar ato, kërcënon sigurinë tonë dhe mirëqenien ekonomike”, thuhet po ashtu në deklaratë.

“Ata (hakerët rusë) mund të jenë të parapozicionuar për kohë tensionesh”, tha Ciaran Martin, udhëheqës i Qendrës Kombëtare të Sigurisë Kibernetike të Britanisë.

Koordinatori për siguri kibernetike i Shtëpisë së Bardhë, Rob Joyce, tha se Shtetet e Bashkuara dhe aleatët e tyre besojnë fuqishëm se Rusia qëndron prapa fushatës.

Joyce tha se SHBA mund të përgjigjet me sanksione të reja dhe aktakuza. “Do të përgjigjemi fuqishëm”, tha ai.

Britania dhe Shtetet e Bashkuara thanë se kanë lëshuar alarmin për t’i ndihmuar objektivat që të mbrohen dhe për të bindur viktimat që të ndajnë informacione me hetuesit qeveritarë.

“Ne nuk kemi njohuri të plotë për shkallën e rrezikut”, tha Jeanette Manfra, zyrtare për siguri kibernetike pranë Departamentit amerikan për Siguri Kombëtare.

Një zëdhënës i Qeverisë britanike tha se fushata globale e spiunazhit kibernetik tregon edhe një herë se si Rusia “i shpërfill normat ndërkombëtare dhe rendin global”.

Kjo është hera e parë që SHBA-ja dhe Britania lëshojnë deklaratë të përbashkët për të këshilluar të gjithë sektorët që mund të jenë komprometuar, duke ofruar hapa për të identifikuar dhe neutralizuar problemet e mundshme që lidhen me sulmet.

Gazeta Guardian shkruan se vendimi i SHBA-së dhe Britanisë për të dalë publikisht reflekton humbjen e durimit me Moskën, pas disa sulmesh kibernetike që besohet se e kanë origjinën në Rusi.

Paralajmërimi po ashtu mund të vijë për shkak të ndërhyrjes së dyshuar të Rusisë në zgjedhjet demokratike në SHBA dhe Evropë, mbështetjes së saj për presidentin e Sirisë, Bashar al-Assad, dhe incidenteve të tilla si përdorimi i agjentit nervor në Sallsbëri të Anglisë. /REL

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Ja pse aktoret e pornografisë janë “mashtrim” shihni fotot e tyre pa make-up

Ja pse aktoret e pornografisë janë “mashtrim” shihni fotot e tyre pa make-up

Pas 44 vitesh jetë bëhet me penis

Pas 44 vitesh jetë bëhet me penis

Xhaka refuzon të përgjigjet nëse do të festojë me shqiponjë ndaj Suedisë

Xhaka refuzon të përgjigjet nëse do të festojë me shqiponjë ndaj Suedisë

Lidhja e Tunës dhe Patrisit është: seks dhe fitnes

Lidhja e Tunës dhe Patrisit është: seks dhe fitnes

OnePlus 6 vjen në ngjyrë të kuqe

OnePlus 6 vjen në ngjyrë të kuqe

Elvana Gjata dhe Ledri Vula publikojnë 'Mike'

Elvana Gjata dhe Ledri Vula publikojnë 'Mike'

Momenti kur polici amerikan futet me urgjencë në veturë kur rrufeja godet tokën (Video)

Momenti kur polici amerikan futet me urgjencë në veturë kur rrufeja godet tokën (Video)

Pas një mungese të gjatë, Elvis Pupa rikthehet ashtu siç nuk e kishit menduar

Pas një mungese të gjatë, Elvis Pupa rikthehet ashtu siç nuk e kishit menduar

Chelsea dhe Roma në garë për shërbimet e Schmeichelit

Chelsea dhe Roma në garë për shërbimet e Schmeichelit

Dhimbja e veshëve: Si ta shmangni zhurmën në avion

Dhimbja e veshëve: Si ta shmangni zhurmën në avion

Google investon 22 milion dollarë në sistemin operativ të telefonëve të thjeshtë Nokia

Google investon 22 milion dollarë në sistemin operativ të telefonëve të thjeshtë Nokia

Ish-banori i “Big Brother” bëhet baba për herë të parë, zbulon emrin e vajzës

Ish-banori i “Big Brother” bëhet baba për herë të parë, zbulon emrin e vajzës

Munishi: Belgjika nuk do të guxojë më të luajë ndeshje sikurse kjo me Japoninë

Munishi: Belgjika nuk do të guxojë më të luajë ndeshje sikurse kjo me Japoninë

Imazhet që shënuan javën në botë (Foto)

Imazhet që shënuan javën në botë (Foto)

Po TI, cila vajzë je në shoqërinë tënde?

Po TI, cila vajzë je në shoqërinë tënde?

Spanja nuk i beson Hierros, zbulohen tre alternativat që mund ta zëvendësojnë spanjollin

Spanja nuk i beson Hierros, zbulohen tre alternativat që mund ta zëvendësojnë spanjollin