Kandidatja për kryetare të Pejës nga Partia Demokratike e Kosovës, Sabiha Shala, fushatën zgjedhore e ka vazhduar duke i bërë vizitë “Tregut të gjelbër” ku ka takuar dorë më dorë shitës dhe qytetarë të ndryshëm.
Përndryshe, Shala shitësit i ka konsideruar heronj të punës “pavarësisht kushteve minimale që ata i kanë aktualisht për ta ushtruar veprimtarinë e tyre ekonomike”.
Shala ju premtoi shitësve se do të ua kthej dinjitetin që e meritojnë duke krijuar kushte më të mira që do të stimulonin kultivimin por edhe shitjen e produkteve të tyre në treg.