Shala: Akreditimi kontribuon në zhvillimin ekonomik përmes reduktimit të kostove të tregtisë dhe të bërit biznes

10.06.2019 14:20
Rreshtat+- AShkronjat+- Printo
Shala: Akreditimi kontribuon në zhvillimin ekonomik përmes reduktimit të kostove të tregtisë dhe të bërit biznes

Ministri i Tregtisë dhe Industrisë, Endrit Shala me rastin e Ditës Botërore të Akreditimit, tha se akreditimi, por edhe standardizimi dhe metrologjia kontribuojnë në zhvillimin ekonomik përmes reduktimit të kostove të tregtisë dhe të bërit biznes.

“Dita Botërore e Akreditimit thekson rolin e akreditimit në shtimin e vlerës në zinxhirët e furnizimit. Akreditimi, së bashku me shtyllat tjera të infrastrukturës së cilësisë siç janë standardizimi dhe metrologjia, janë një mjet i pranuar gjerësisht që kontribuon në zhvillimin ekonomik përmes reduktimit të kostove të tregtisë dhe të bërit biznes, duke mundësuar integrimin e bizneseve në zinxhirët global të furnizimit si dhe ngritjen e besimit në mes të partnereve në biznes”, tha ministri Shala.

Sipas ministrit Shala zhvillimi ekonomik në përgjithësi dhe zhvillimi i sektorëve të infrastrukturës së cilësisë në veçanti janë ndër sfidat kryesore me të cilat përballet Kosova.

“Adresimi i këtyre sfidave është prioritet i im gjatë këtij mandati qeverisës në krye të Ministrisë së Tregtisë dhe Industrisë. MTI është e përkushtuar të ndërtojë dhe zhvillojë një sistem efikas, të qëndrueshëm dhe në përputhje me praktikat e mira në ngritjen e infrastrukturës së cilësisë dhe sektorëve tjerë të cilët kanë impakt në ekonomi. Ne po punojmë në vendosjen e drejtë të kritereve dhe standardeve teknike për produkte dhe shërbime, të përcaktuara me marrëveshje tregtare dhe legjislacion të harmonizuar të BE-se si dhe krijimin e mekanizmave adekuate dhe me kompetencë për zbatimin e tyre. Kjo do të mundësoj ngritjen e konkurrueshmerisë në tregun vendor dhe të jashtëm, eliminimin e barrierave tregtare, të siguroj mbrojtjen e jetës dhe shëndetit për konsumatorin si dhe të ofroj një mjedis më të sigurt duke u bërë pjesë e integruar e organeve ndërkombëtare”, tha ministri Shala.

Shala bëri të ditur se fusha e Akreditimit është përfshirë si njeri ndër komponent kryesore në projektin Konkurrueshmëria dhe Gatishmëria për Eksport, projekt i cili realizohet në bashkëpunim me Bankën Botërore dhe që ka një vlerë prej 14.3 milionë euro. Ai ka shtuar se me këtë synojnë që të krijohet Qendra Kombëtare e Cilësisë.

“Fusha e Akreditimit është përfshirë si njëri ndër komponent kryesore në projektin Konkurrueshmëria dhe Gatishmëria për Eksport, projekt i cili realizohet në bashkëpunim me Bankën Botërore dhe që ka një vlerë prej 14.3 milionë euro. Ky projekt, nder tjera, ka për qëllim mbështetjen e zhvillimit dhe njohjes ndërkombëtare të Infrastrukturës së Cilësisë në përgjithësi, dhe Akreditimit në veçanti. Me këtë synojmë që të krijojmë Qendrën Kombëtare të Cilësisë”, tha Shala.

Shala më tej ka shtuar se në përmbushje të obligimeve që rrjedhin nga MSA-ja, kanë punuar në harmonizimin e legjislacionit me atë të Bashkimit Evropian.

“Në përmbushje të obligimeve që rrjedhin nga neni 80 i MSA-së, kemi punuar në harmonizimin e legjislacionit të Kosovës me atë të Bashkimit Evropian, duke kompletuar infrastrukturën ligjore të akreditimit, konkretisht hartimin e katër akteve nënligjore që derivojne nga Ligji i Akreditimit. Gjithashtu, kemi formuar TASK FORCËN për koordinimin e aktiviteteve ligjore dhe teknike për anëtarësim në organizatat ndërkombëtare të akreditimit, standardizimit dhe metrologjisë”, tha ministri.

Shala më tej ka përmendur hapat që kanë ndërmarrë sa i përket lehtësirave për bizneset dhe mbrojtjen e konsumatorëve.

 “Në drejtim të krijimit të lehtësirave për biznese, në këtë rast, për TVK-vë që operojnë në Kosovë, është hartuar Politika e Gjurmueshmërisë së Matjeve më të cilën pranohen certifikatat e kalibrimit të lëshuara nga AMK për masë, termometri dhe volum. Kjo mundëson që TVK të kryejnë shërbimet e kalibrimit për fushat e lartcekura brenda Kosovës, më shpejt, më lehtë dhe me kosto më të ulët. Në kuadër të politikave për përmirësimin e infrastrukturës së cilësisë, me theks të veçantë mbrojtjen dhe sigurinë e konsumatorëve, kemi hartuar Ligjin për produktet e ndërtimit, i cili përcakton kushtet dhe rregullat për vendosjen në treg të produkteve të ndërtimit”.

Ministri tha se për tu siguruar që qytetarët e Kosovës marrin shërbime mjekësore me cilësi dhe rezultate të sigurta, kanë ndërmarr iniciativën për të bërë të obligueshëm akreditimin e laboratorëve mjekësor. 

“Akreditimi i këtyre laboratorëve do të thotë që laboratorët i janë nënshtruar një procesi rigoroz të vlerësimit të përmbushjes së kërkesave të standardeve, kompetencës teknike të stafit dhe përdorimit të pajisjeve të duhura”, tha Shala. /Infosot/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Shala: Akreditimi kontribuon në zhvillimin ekonomik përmes reduktimit të kostove të tregtisë dhe të bërit biznes

Shala: Akreditimi kontribuon në zhvillimin ekonomik përmes reduktimit të kostove të tregtisë dhe të bërit biznes

Haradinaj gazetarëve nga Vjena: Kosova është serioze në dialog

Haradinaj gazetarëve nga Vjena: Kosova është serioze në dialog

Hoxhaj: Pika kufitare Stanqiq-Bellanoc gati në fund të gushtit

Hoxhaj: Pika kufitare Stanqiq-Bellanoc gati në fund të gushtit

Vuçiq tregon kërkesën që ia paraqiti Palmerit për Kosovën

Vuçiq tregon kërkesën që ia paraqiti Palmerit për Kosovën

Ilir Meta anulon zgjedhjet në Shqipëri

Ilir Meta anulon zgjedhjet në Shqipëri

Joseph: S’ka seriozitet në dialog pa rol udhëheqës të SHBA-së

Joseph: S’ka seriozitet në dialog pa rol udhëheqës të SHBA-së

Palmer sot në Beograd, për të folur për Kosovën

Palmer sot në Beograd, për të folur për Kosovën

Portugalia, kampionia e parë e Ligës së Kombeve

Portugalia, kampionia e parë e Ligës së Kombeve

Ambasadori i ri serb në Rusi: Serbinë e presin dy zgjidhje të këqija për Kosovën

Ambasadori i ri serb në Rusi: Serbinë e presin dy zgjidhje të këqija për Kosovën

Ministrja serbe bën thirrje të arrihet marrëveshje me Kosovën

Ministrja serbe bën thirrje të arrihet marrëveshje me Kosovën

Burgjet bëhen me agjentë sekretë

Burgjet bëhen me agjentë sekretë

Bahtiri, më i pasuri ndër kryetarë komunash, i ndjekur nga Muhaxheri e Haskuka

Bahtiri, më i pasuri ndër kryetarë komunash, i ndjekur nga Muhaxheri e Haskuka

Thaçi vs Haradinaj – betejë për kundërshtim personal, jo për strategji

Thaçi vs Haradinaj – betejë për kundërshtim personal, jo për strategji

Maqedonia e V. përballet me problemin e deponive të egra

Maqedonia e V. përballet me problemin e deponive të egra

Djali i Arkanit flet hapur, se a do ketë siguri për shqiptarin e Kosovës në Beograd!

Djali i Arkanit flet hapur, se a do ketë siguri për shqiptarin e Kosovës në Beograd!

E fundit! Pas anulimit të zgjedhjeve, neser pritet lëvisja e rëndësishme e Presidentit Meta

E fundit! Pas anulimit të zgjedhjeve, neser pritet lëvisja e rëndësishme e Presidentit Meta