Sekretari Pompeo i jep fund vizitës dy-ditore në Korenë e Veriut

07.07.2018 15:16
Rreshtat+- AShkronjat+- Printo
Sekretari Pompeo i jep fund vizitës dy-ditore në Korenë e Veriut

Sekretari amerikan i Shtetit Mike Pompeo i dha fund të shtunën dy ditë bisedimesh me zyrtarët në Korenë e Veriut. Ai tha se kishin patur “për shumë orë bisedime të frytshme” dhe “përparim mbi thuajse të gjitha çështjet thelbësore”.

Kryediplomati amerikan nuk dha hollësi, por tha se bisedimet ishin përqëndruar kryesisht tek koha e nevojshme për çnuklearizimin e Koresë së Veriut dhe një deklaratë bazë për armët e shkatërrimit në masë që disponon vendi.

Sekretari Pompeo, i cili pas përfundimit të vizitës në Korenë e Veriut shkoi në Tokio, tha se “është caktuar një takim për më 12 korrik”, por që kjo datë mund të ndryshojë. Ai tha se në takimin e ardhshëm me udhëheqësit koreanoveriorë do të bisedohet për kthimin në atdhe të eshtrave të amerikanëve që humbën jetën në Luftën Koreane.

Zoti Pompeo nuk u takua këtë herë me udhëheqësin koreanoverior Kim Jong Un. Zëdhënësja e Departamentit të Shtetit Heather Nauert tha se nuk pritej të zhvillohej një takim i tillë.

Para takimeve të së shtunës me zyrtarë të lartë koreanoveriorë zoti Pompeo bisedoi në telefon me Presidentin Trump.

Kjo ishte vizita e tretë e Sekretarit Pompeo në Korenë e Veriut dhe e para herë që ai qëndroi atje gjatë natës. Kjo ishte gjithashtu vizita e parë e tij pas takimit të Presidentit Trump me udhëheqësin koreanoverior Kim, në Singapor.

Presidenti Trump e ka ngarkuar Sekretarin e Shtetit të mbikqyrë se si po e zbaton Kim Jong Uni premtimin për çnuklearizimin e Gadishullit Korean.

Zëdhënësja Nauert tha të shtunën se zyrtarët e Shteteve të Bashkuara dhe të Koresë së Veriut kanë krijuar grupe pune për trajtimin e çështjeve që lidhen me përpjekjet e çnuklearizimit.

Ajo tha se Sekretari Pompeo ishte treguar “shumë i prerë” në bisedime, gjatë të cilave ai kishte kërkuar plotësimin e tre çështjeve kryesore: çnuklearizimin e plotë të Koresë së Veriut, garanci për sigurimin e këtij procesi dhe kthimin në atdhe të eshtrave të amerikanëve që vdiqën në Luftën Koreane.

Vizita e kësaj radhe zotit Pompeo në Korenë e Veriut ndodhi mes njoftimeve të zbulimit amerikan se Kim Jong Un është duke vazhduar të zhvillojë infrastrukturën për programin e tij të armëve bërthamore. Ditët e fundit mediat amerikane kanë publikuar fotografi, për të cilat thuhet se tregojnë për zgjerimin e objekteve që lidhen me programin bërthamor të Koresë së Veriut.

Të enjten Presidenti Trump tha se ai vazhdon të besojë se Kim do ta mbajë premtimin e tij, duke shtuar se ai kishte krijuar një lidhje personale me udhëheqësin koreanoveior.

Këshilltari i Sigurisë Kombëtare i zotit Trump, John Bolton, thotë se Koreja e Veriut mund t’i japë fund arsenalit bërthamor brenda një viti, por zyrtarë të tjerë amerikanë shpresojnë që kjo të realizohet deri në janar të vitit 2021, që përkon me fundin e mandatit të parë në Shtëpinë e Bardhë të Presidentit Trump.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Rritja e pagave rrezikon investimet kapitale në Kosovë

Rritja e pagave rrezikon investimet kapitale në Kosovë

Veseli: BE-ja po e rrënon çdo perspektivë të dialogut dhe fqinjësisë së mirë, Trepça ka qenë dhe do jetë e Kosovës

Veseli: BE-ja po e rrënon çdo perspektivë të dialogut dhe fqinjësisë së mirë, Trepça ka qenë dhe do jetë e Kosovës

Presidenti Thaçi në SHBA: Mbështetja e Uashingtonit është vitale për Kosovën

Presidenti Thaçi në SHBA: Mbështetja e Uashingtonit është vitale për Kosovën

Hoxhaj: Resurset kombëtare të Kosovës kurrë s’do të jenë pjesë e dialogut

Hoxhaj: Resurset kombëtare të Kosovës kurrë s’do të jenë pjesë e dialogut

Policia arreston dy të dyshuar për përfshirje në veprimtari penale

Policia arreston dy të dyshuar për përfshirje në veprimtari penale

Haradinaj priti të ngarkuarin me punë të Ambasadës së Maqedonisë Veriore në Kosovë, Rexhep Saliu

Haradinaj priti të ngarkuarin me punë të Ambasadës së Maqedonisë Veriore në Kosovë, Rexhep Saliu

Sindikata e Punëtorëve të RTK-së reagon kundër vendimit të Kuvendit të Kosovës

Sindikata e Punëtorëve të RTK-së reagon kundër vendimit të Kuvendit të Kosovës

Mustafa i reagon ashpër BE-së për Trepçën: Një ditë do të na kërkoni që të mos marrim as frymë pa dialoguar me Serbinë

Mustafa i reagon ashpër BE-së për Trepçën: Një ditë do të na kërkoni që të mos marrim as frymë pa dialoguar me Serbinë

Rihapet Qendra e skijimit në Brezovicë

Rihapet Qendra e skijimit në Brezovicë

Grabitet me armë banka “TEB” në Prishtinë

Grabitet me armë banka “TEB” në Prishtinë

Ndodhë edhe kjo: Sanxhaku i Novi Pazarit kërkon bashkim me Kosovën

Ndodhë edhe kjo: Sanxhaku i Novi Pazarit kërkon bashkim me Kosovën

Thaçi në SHBA takohët për marrëveshjen Kosovë-Serbi

Thaçi në SHBA takohët për marrëveshjen Kosovë-Serbi

31 shkeljet që Komisioni i evidentoi rreth dëbim të 6 shtetasve turq

31 shkeljet që Komisioni i evidentoi rreth dëbim të 6 shtetasve turq

Parlamenti grek voton për anëtarësimin e Maqedonisë në NATO

Parlamenti grek voton për anëtarësimin e Maqedonisë në NATO

Takohen Isa Mustafa dhe Albin Kurti

Takohen Isa Mustafa dhe Albin Kurti

Haradinaj përsëri kundërshton SHBA-të: Taksa do të mbes në fuqi deri në njohjen nga Serbia

Haradinaj përsëri kundërshton SHBA-të: Taksa do të mbes në fuqi deri në njohjen nga Serbia