Ish-trajneri i Real Madridit, Bernd Schuster, ka thënë se nuk do të ishte aspak i befasuar nëse Joachim Low do të ishte trajner i Los Blancos në sezonin 2019/20.
Tekniku gjerman ka zbuluar se ai ia ka sugjeruar trajnerin e Gjermanisë presidentit të klubit spanjoll gjatë një takimit të tyre.
“Kam folur me presidentin Florentino Perez gjatë një ngjarje bamirëse dhe ia kam përmendur Lowin”.
“Ai më shikoi çuditshëm, sikur e befasova. Gjermanët janë shumë të vlerësuar te Reali”.
“Nuk do të isha i befasuar nëse Reali do tentonte të nënshkruante me Low gjatë verës”, ka thënë Schuster për Die Welt.
Low aktualisht është nën kontratë me Federatën e Futbollit të Gjermanisë (DFB) deri në vitin 2022.
58-vjeçari përveç përfaqësueses, ka stërvitur edhe klubet gjermane si Freiburg, Stuttgart, Eintracht Frankfurt e Karlsruher. /Telegrafi/
