Samiti i G20-ës nën hijen e krizës në Ukrainë dhe të luftës tregtare

06.12.2018 09:49
Rreshtat+- AShkronjat+- Printo
Samiti i G20-ës nën hijen e krizës në Ukrainë dhe të luftës tregtare

Udhëheqësit botërorë takohen të premten dhe të shtunën në Argjentinë për samitin vjetor të G20-ës, apo grupit të vendeve më të industrializuara.

Samiti zhvillohet në kohën e tensioneve të reja midis Rusisë dhe Ukrainës dhe të mosmarrëveshjeve tregtare midis Shteteve të Bashkuara dhe Kinës.

Presidenti amerikan, Donald Trump, e anuloi një takim të planifikuar me homologun rus, Vladimir Putin, në shenjë proteste ndaj aneksimit të anijeve detare të Ukrainës nga Rusia.

*Video: Rusia kap anijet ukrainase në përleshjen detare

Trump tha se nuk do të takojë udhëheqësin rus “bazuar në faktin se anijet dhe marinarët nuk janë kthyer”. Incidenti ndodhi më 25 nëntor.

Kancelarja gjermane, Angela Merkel, e fajësoi Rusinë për të dhe tha se do ta ngrejë këtë çështje me Putinin.

Në Argjentinë, presidenti amerikan, Trump, pritet të zhvillojë bisedime dypalëshe me presidentin e Kinës, Xi Jinping, në lidhje me tarifat tregtare.

Shtetet e Bashkuara, qysh në korrik, kanë goditur me tarifa mallrat kineze në vlerë prej 250 miliardë dollarësh dhe Kina është hakmarrë duke vënë taksë mbi prodhimet amerikane që kapin vlerën prej 110 miliardë dollarësh.

Duke folur për gazetarët në Shtëpinë e Bardhë, Trump tha se Kina është e interesuar për marrëveshje, porse ai nuk e di nëse e do një të tillë tani.

Trump ka thënë se tarifat janë përgjigje ndaj politikave të padrejta tregtare të Kinës, që kanë zgjatur me vite dhe kanë dëmtuar ekonominë amerikane.

Samiti i G20-ës po ashtu shihet si test diplomatik për princin e kurorës të Arabisë Saudite, Mohammed bin Salman, pas dyshimeve për përfshirjen e mundshme të shtetit të tij në vrasjen e gazetarit saudit, Jamal Khashoggi, muajin e kaluar, në Turqi.

Khashoggi, kritik i Qeverisë saudite, është vrarë më 2 tetor në konsullatën e Arabisë Saudite në Stamboll.

Zemërimi ndërkombëtar për rastin vazhdon dhe Kanadaja, të enjten, vendosi sanksione kundër 17 shtetasve sauditë që dyshohet se kanë lidhje me vrasjen.

Kryeministrja britanike, Theresa May, tha se do të takojë në margjina të samitit të G20-ës princin saudit të kurorës dhe se do t’i japë “mesazh shumë të qartë”.

“Duam të shohim hetime të plota dhe transparente për atë që ka ndodhur dhe përgjegjësit të japin llogari”, tha May.

Grupi 20 mbledh së bashku udhëheqësit e 19 vendeve më të industrializuara në botë, plus Bashkimin Evropian.

Argjentina, Australia, Brazili, Kanadaja, Kina, Franca, Gjermania, India, Indonezia, Italia, Japonia, Meksika, Rusia, Arabia Saudite, Afrika e Jugut, Koreja e Jugut, Turqia, Britania e Madhe dhe SHBA-ja janë të gjitha të përfaqësuara.

Fokus i samitit dyditor këtë vit u tha të jetë “zhvillimi i drejtë dhe i qëndrueshëm”.

Takimi i vitit të kaluar, në qytetin gjerman të Hamburgut, është përshkuar me protesta të dhunshme.

Në Buenos Aires, qytetin e sivjetmë nikoqir, mbi 20,000 policë do të kujdesen për sigurinë.

Përgatiti: Valona Tela

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Për Fukuyaman, forcimi i të së djathtës në BE është lajm i keq për Ballkanin

Për Fukuyaman, forcimi i të së djathtës në BE është lajm i keq për Ballkanin

E enjtja e përgjakshme në Gjilan: Kamioni mori gjithçka para vetes, mbyti një person dhe i lëndoi mbi 20 të tjerë

E enjtja e përgjakshme në Gjilan: Kamioni mori gjithçka para vetes, mbyti një person dhe i lëndoi mbi 20 të tjerë

Limaj, ka reaguar pas aksidentit i cili ndodhi sot në Gjilan

Limaj, ka reaguar pas aksidentit i cili ndodhi sot në Gjilan

Qerim Çoçaj është viktima e aksidentit të rëndë në Gjilan

Qerim Çoçaj është viktima e aksidentit të rëndë në Gjilan

Juniku, Klina e Istogu përfitojnë nga MIT-ja afro 1.5 milionë euro

Juniku, Klina e Istogu përfitojnë nga MIT-ja afro 1.5 milionë euro

Thaçi pranon letrat kredenciale nga ambasadorja e re e Panamasë

Thaçi pranon letrat kredenciale nga ambasadorja e re e Panamasë

Ministri Shala vizitoi kompaninë “Frutex”

Ministri Shala vizitoi kompaninë “Frutex”

Prokuroria e Gjilanit jep detaje për aksidentin

Prokuroria e Gjilanit jep detaje për aksidentin

Policia arreston dy persona për punim të temave të diplomave

Policia arreston dy persona për punim të temave të diplomave

Haradinaj: I tronditur nga tragjedia e sotme në Gjilan, qeveria e gatshme për t’ju ofruar ndihmë

Haradinaj: I tronditur nga tragjedia e sotme në Gjilan, qeveria e gatshme për t’ju ofruar ndihmë

Pas tragjedisë së rëndë në Gjilan, Lutfi Haziri ka aktivizuar menjëherë mekanizmat emergjentë

Pas tragjedisë së rëndë në Gjilan, Lutfi Haziri ka aktivizuar menjëherë mekanizmat emergjentë

Shtetet e BE-së nuk e fusin Arabinë Saudite në listë të zezë për shpërlarje parash

Shtetet e BE-së nuk e fusin Arabinë Saudite në listë të zezë për shpërlarje parash

Flasin dëshmitarët e aksidentit në Gjilan, thonë se ishte sulm i qëllimshëm

Flasin dëshmitarët e aksidentit në Gjilan, thonë se ishte sulm i qëllimshëm

Mbahet takimi informues me bizneset prodhuese të Drenasit

Mbahet takimi informues me bizneset prodhuese të Drenasit

Një i vdekur dhe 10 të lënduar nga aksidenti në Gjilan

Një i vdekur dhe 10 të lënduar nga aksidenti në Gjilan

Aksident i rëndë në qendër të Gjilanit, nuk dihet numri i personave të lënduar

Aksident i rëndë në qendër të Gjilanit, nuk dihet numri i personave të lënduar