Sami Lushtaku: Sylejman Selimi nuk është në burg, e kanë kidnapuar

E publikuar: 19/09/2018 13:49
Rreshtat+- AShkronjat+- Printo

Qytetarë e veteranë të shumtë të Ushtrisë Çlirimtare të Kosovës u mblodhën sot para Pallatit të Drejtësisë në Prishtinë për të protestuar për lirimin nga burgu të Sylejman Selimit dhe Jahir Demakut.
Në mesin e protestuesve ishin edhe përfaqësues nga shoqatat e dala nga lufta e UÇK-së.

Bashkëluftëtari i Selimit e Demakut, Sami Lushtaku, tha se kërkesë e vetme e tyre është që të respektohen ligjet, transmeton Lajmi.net.

“Sylejman Selimi nuk është në burg, po është i kidnapuar. Uroj që ai të lirohet dhe t`i kthehet familjes, qytetarëve dhe Kosovës”, tha Lushtaku.

Ndryshe, protesta përfundoi e qetë.