Rusia miraton ligjet që bllokojnë portalet që kundër qeverisë

20.03.2019 08:31
Rreshtat+- AShkronjat+- Printo
Rusia miraton ligjet që bllokojnë portalet që kundër qeverisë

Presidenti rus Vladimir Putin nënshkroi legjislacionin që u mundëson autoriteteve të bllokojnë faqe të caktuara interneti dhe të japin dënime për lajmet e rreme apo për materiale që ato i konsiderojnë si fyerje ndaj shtetit ose publikut.

Të dyja ligjet, që kritikët i shohin si pjesë të një përpjekjeje të Kremlinit për të rritur kontrollin mbi internetin dhe për të mbytur disidencën, u nënshkruan nga presidenti më 18 mars.

Legjislacioni i ri i lejon autoritetet të bllokojnë faqe të caktuara interneti ose llogari interneti që publikojnë ato që ata i konsiderojnë si “lajmet e rreme” dhe penalizojnë ata që vendosin materiale, të cilat shihen si fyese ndaj zyrtarëve të shtetit, simboleve shtetërore ose shoqërisë ruse.

Dhoma e sipërme e parlamentit, Këshilli i Federatës, i miratoi projektligjet më 13 mars pasi dhoma e ulët, Duma e Shtetit, dha miratimin përfundimtar. Legjislacionin ishte propozuar më 7 mars.

Më 11 mars, Këshilli presidencial i Rusisë për Zhvillimin e Shoqërisë Civile dhe të Drejtave të Njeriut i kërkoi Dhomës së Sipërme t’ia dërgonte projektligjet përsëri Dumës për t’i ripunuar.

Këshilli presidencial, i cili shpesh injorohet nga Presidenti Putin, citoi Konventën Evropiane për të Drejtat e Njeriut dhe tha se liria e shprehjes nuk mund të kufizohet thjesht për shkak të dyshimeve nëse ajo që shprehet është ose jo e vërtetë.

Ligji i ri autorizon prokurorin e përgjithshëm dhe zëvendësit e tij për të përcaktuar se çfarë përbën lajm të rremë, por pa një vendim gjyqësor, pas të cilit mediat shtetërore dhe mbikëqyrësi i komunikimit Roskomnadzor të bllokonin faqet apo llogaritë në internet.

Për publikimin e “lajmit të rremë”, ligji përcakton gjoba deri në 100,000 rubla (1,525 dollarë) për individët, 200,000 rubla për zyrtarët publikë dhe 500,000 rubla për kompanitë.

Ligji thotë se gazetave apo portaleve të regjistruara zyrtarisht pranë Roskomnadzorit, do t’u jepet një shans për të hequr raportimet që konsiderohen si lajme të rreme, përpara se të bllokohen faqet e tyre të internetit.

Aty thuhet se faqet e internetit që nuk janë të regjistruara pranë Roskomnadzorit do të bllokohen pa paralajmërim.

Ligji gjithashtu parashikon gjoba deri në 100,000 rubla për fyerjen e autoriteteve ruse, agjencive qeveritare, shtetit, publikut, flamurit apo kushtetutës.

Shkelësit përsëritës do të përballen me gjoba më të mëdha dhe mund të burgosen deri në 15 ditë.

Roskomnadzori do t’u japë përdoruesve të internetit 24 orë për të hequr materialin që gjykohet nga prokurori i përgjithshëm ose zëvendësit e tij si fyes për shtetin ose shoqërinë dhe ata që nuk e bëjnë këtë do të bllokohen, thotë ligji.

Në janar, kur Duma e Shtetit miratoi projektligjet në leximet e tyre të para, politikani i opozitës ruse Ilya Yashin u shpreh me këto fjalë: “Këto janë projektligje të çmendura. Si mund t’i ndalosh njerëzit të kritikojnë autoritetet?”

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Oriola Marashi sfilon për markën e famshme, “Guess”

Oriola Marashi sfilon për markën e famshme, “Guess”

Neki Emra gati për tregun turk, tregon për ofertën që i është bërë

Neki Emra gati për tregun turk, tregon për ofertën që i është bërë

​Motrat Lipa ‘pushtojnë’ tregun ndërkombëtar, ky është profesioni që ka zgjedhur Rina

​Motrat Lipa ‘pushtojnë’ tregun ndërkombëtar, ky është profesioni që ka zgjedhur Rina

Këto janë 3 arsyet që jeni më të lumtur gjatë verës

Këto janë 3 arsyet që jeni më të lumtur gjatë verës

Kundërshtohet propozimi që të zvogëlohen fushat dhe portat për futbollin e vajzave

Kundërshtohet propozimi që të zvogëlohen fushat dhe portat për futbollin e vajzave

Muller pranon oferta luksoze nga Kina

Muller pranon oferta luksoze nga Kina

Xherdan Shaqiri zgjedh formacionin e ëndrrave

Xherdan Shaqiri zgjedh formacionin e ëndrrave

Fifi tregon ku i blejnë VIP-at rrobat “firmë” nga 5 euro

Fifi tregon ku i blejnë VIP-at rrobat “firmë” nga 5 euro

PSG përgatitet ta shesë Neymarin

PSG përgatitet ta shesë Neymarin

Justin Bieber sfidon Tom Cruise: Përballemi në ring

Justin Bieber sfidon Tom Cruise: Përballemi në ring

Hazard: Nuk jam i shqetësuar për numrin te Reali

Hazard: Nuk jam i shqetësuar për numrin te Reali

14 ndeshjet pa humbje e ngritin Kosovën në ranglistën e FIFA-s

14 ndeshjet pa humbje e ngritin Kosovën në ranglistën e FIFA-s

Sporti gjatë verës ul stresin dhe kilogramët e tepërt

Sporti gjatë verës ul stresin dhe kilogramët e tepërt

Pesë futbollistët që Conte i dëshiron te Interi, secili më i mirë se tjetri

Pesë futbollistët që Conte i dëshiron te Interi, secili më i mirë se tjetri

Elvana Gjata e mrekullueshme në fotosesionin e ri

Elvana Gjata e mrekullueshme në fotosesionin e ri

Dropbox i ri dëshiron të jetë qendra e përditshmërisë suaj

Dropbox i ri dëshiron të jetë qendra e përditshmërisë suaj