Rreth 300 persona kërkohen nga Policia e Kosovës

13.03.2019 16:29
Rreshtat+- AShkronjat+- Printo
Rreth 300 persona kërkohen nga Policia e Kosovës

Qindra persona janë në kërkim nga Policia e Kosovës për vepra të ndryshme, duke filluar nga rastet e vjedhjeve e deri te personat e dyshuar për vepra që ndërlidhen me terrorizëm.

Aktualisht janë 288 persona në kërkim nga Policia e Kosovës, ka treguar për Radion Evropa e Lirë, drejtori i Drejtorisë për Bashkëpunim Ndërkombëtar në Fushën e Zbatimit të Ligjit (ILECU), Veton Elshani.

Sipas tij, vetëm këtë muaj Policia ka arrestuar 3 persona, të dyshuar për grabitje, vrasje dhe vepra që ndërlidhen me terrorizëm.

Megjithatë në zyrën për media të Policisë së Kosovës, nuk kanë dhënë shumë detaje për numrin e personave që janë në kërkim dhe për veprat që ata dyshohet se i kanë kryer.

Po ashtu, nuk është sqaruar as në lidhje me dyshimet se në cilat vende, shtete fshihen këta persona, sipas informatave që posedojnë organet e rendit.

Daut Hoxha, zëdhënës në Policinë e Kosovës, tha për Radion Evropa e Lirë se kanë bashkëpunim të mirë edhe me vendet e tjera, për realizimin e urdhër-arresteve për persona të kërkuar.

“Policia e Kosovës përmes një bashkëpunimi ndërinstitucional realizon urdhër-arrestet për persona të kërkuar, qoftë në nivel vendi apo edhe realizime të urdhër-arresteve për persona të tjerë, që kërkohen nga autoritetet e vendeve tjera”, tha Hoxha.

Për Plator Avdiun nga Qendra Kosovare për Studime të Sigurisë (QKSS), ky numër i madh i personave në kërkim, paraqet problem për Policinë e Kosovës, kur dihet që Kosova ende nuk është pjesë e Organizatës Ndërkombëtare të Policisë (INTERPOL).

“Për Policinë e Kosovës kjo ka me qenë shumë problematike, duke marrë parasysh që nuk ka bashkëpunim ndërkombëtar policor me INTERPOL-in, por edhe me vendet tjera, për shkak se Policia e Kosovës është e hendikepuar, për shkak se nuk ka qasje në data-bazën e sistemit të INTERPOL-it, edhe kjo i shkakton probleme të mëdha”, tha Avdiu.

Sipas tij, i vetmi sukses i Policisë së Kosovës, në rrafshin ndërkombëtar, është bashkëpunimi që ka me Agjencinë evropiane të Policisë (EUROPOL).

“Kjo i ka mundësuar Policisë së Kosovës që pjesërisht të ketë suksese në disa prej rasteve, qoftë në arrestimin e personave të dyshuar për terrorizëm, ose grupeve të ndryshme të trafikut të emigrantëve, ku fatmirësisht Policia e Kosovës ka qenë pjesë e disa aksioneve të EUROPOL-it”, tha Avdiu.

Në uebfaqen zyrtare të Policisë së Kosovës figurojnë fotot e të kërkuarve, e që shumë prej tyre qëndrojnë aty prej vitesh.

Në listën e të kërkuarve publik janë: Radomir Kasaloviq, Dushan Jovanoviq, Ratomir Bozhoviq, Branisllav Rakiq, Petrit Salihu, Korab Zogjani, Agron Kryeziu, Ilir Abdullahu.

Disa persona që ende mbeten të pa identifikuar, por që shihen në fotografitë e publikuara nga policia, vazhdojnë të kërkohen si të dyshuar se kanë të bëjnë me rastin e revistës Kosovo 2.0, ku u pengua promovimi i kësaj të fundit, ngjarje kjo që ndodhi më 14 dhjetor 2012 te Salla e Kuqe, Pallati i Kulturës, Rinisë dhe Sporteve në Prishtinë.

Më 20 nëntor të vitit të kaluar, Kosova nuk kishte arritur të bëhet vend anëtar i INTERPOL-it, derisa këtë vit ka aplikuar sërish që të anëtarësohet në këtë organizatë të rëndësishme.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Haradinaj: Krenar me luftën dhe përkushtimin e Akil Gjakovës

Haradinaj: Krenar me luftën dhe përkushtimin e Akil Gjakovës

Gjenocidi, fjala e mohuar

Gjenocidi, fjala e mohuar

Për një vit u arrestuan 784 të mitur

Për një vit u arrestuan 784 të mitur

Deputeti i AAK-së: Po përgatiten komisionet për korrigjimin e kufirit me Malin e Zi

Deputeti i AAK-së: Po përgatiten komisionet për korrigjimin e kufirit me Malin e Zi

11 të vdekur në bregdetin shqiptar gjatë kësaj vere

11 të vdekur në bregdetin shqiptar gjatë kësaj vere

Qindra miliona euro shpenzime më shumë për mëditje, mallra e shërbime

Qindra miliona euro shpenzime më shumë për mëditje, mallra e shërbime

Qeveria “harron” premtimet për “Shkupin 2014”

Qeveria “harron” premtimet për “Shkupin 2014”

Byrnes inkurajon Maqedonine e V. në luftimin e korrupsionit

Byrnes inkurajon Maqedonine e V. në luftimin e korrupsionit

Së shpejti, Kosova me listë finale të organizatave terroriste

Së shpejti, Kosova me listë finale të organizatave terroriste

DASH mbi të bërit biznes në Kosovë, korrupsioni pengesë

DASH mbi të bërit biznes në Kosovë, korrupsioni pengesë

Haradinaj: Qeveria do t’i qëndrojë pranë fermerëve dhe bujqve tanë

Haradinaj: Qeveria do t’i qëndrojë pranë fermerëve dhe bujqve tanë

Veseli: Askush s’ka të drejtë të manipulojë me statutin e luftëtarit të UÇK-së

Veseli: Askush s’ka të drejtë të manipulojë me statutin e luftëtarit të UÇK-së

Tahiri: Qasja në drejtësi imperativ i patjetërsueshëm, së shpejti nis rekrutimi i noterëve

Tahiri: Qasja në drejtësi imperativ i patjetërsueshëm, së shpejti nis rekrutimi i noterëve

Ambasada e Turqisë në Beograd përmirëson gabimin, heq referimin “Kosovë e Metohi”

Ambasada e Turqisë në Beograd përmirëson gabimin, heq referimin “Kosovë e Metohi”

Ministria e Infrastrukturës hesht përballë kërkesës për heqjen e monopolit në homologim

Ministria e Infrastrukturës hesht përballë kërkesës për heqjen e monopolit në homologim

Deda: Qeverinë mund ta rrëzonim në qershor, po presim zgjedhjet në LDK

Deda: Qeverinë mund ta rrëzonim në qershor, po presim zgjedhjet në LDK