Cristiano Ronaldo ka folur pas zgjedhjes së tij si lojtari më i mirë i vitit 2017 nga Globe Soccer Awards.
Ylli i Real Madridit është zgjedhur si më i mirë i vitit 2017 duke lënë pas vete rivalin e përbetuar, Lionel Messin.
Përveç yllit argjentinas në këtë garë ishin edhe Neymar, Sergio Ramos, Gianluigi Buffon, Kylian Mbappe dhe Paulo Dybala.
Ky çmim e ka bërë shumë të lumtur yllin portugez, i cili ka falënderuar bashkëlojtarët, trajnerin dhe gjithë ekipin e Real Madridit.
“Unë kam shumë hapësira për çmimet e fituara”, ka thënë fillimisht Ronaldo duke qeshur.
“Për mua është një moment i veçantë, ndihem shumë i lumtur për këtë çmim”.
Del Piero duke ia dorëzuar Ronaldos çmimin e fituar nga Globe Soccer Awards
“Falë shokëve të ekipit tim, trajnerit tim, Real Madridit, ky ishte një vit i jashtëzakonshëm ku fituam shumë tituj, vitin e ardhshëm të bëjë të njëjtën gjë”, përfundoi Ronaldo.
Ndryshe, Ronaldo e pranoi çmimin në Madrid nga legjenda e Italisë dhe Juventusit, Alessandro Del Piero. /Telegrafi/
