Roma ka arritur të fitojë me rezultat 3-2 falë një goli në minutat shtesë në udhëtimin e tyre te Frosinone në ndeshjen e vlefshme për javën e 25-të në Serie A.
Pjesa e parë e ndeshjes u karakterizua me lojë më të mirë të mysafirëve, të cilët shënuan edhe dy gola kundrejt një të vendasve.
Megjithatë, të parët në epërsi kaluan vendasit pasi në minutën e pestë shënuan për 1-0 me anë të Camillo Ciano.
Roma arriti të kthehet shpejt në lojë duke shënuar dy gola për dy minuta, ku të parin e shënoi Edin Dzeko (30′) për 1-1, ndërsa Lorenzo Pellegrini (31′) shënoi për 2-1.
Dzeko shënoi golin e barazimit (Foto: Paolo Bruno/Getty Images/Guliver)
Në pjesën e dytë, Roma u mundua ta mbaj epërsinë, por nuk mundi pasi vendasit sulmonin në kërkim të golit të barazimit dhe atë e gjetën.
Ishte i inkuadruari në lojë në pjesën e dytë Andrea Pinamonti, i cili shënoi në minutën e 80-të për 2-2 pas një kundërsulmi të shpejt.
⚽ 80′ GOOOOOOOOL GOOOOOOOOL GOOOOOOOOOOOL!#Pinamonti!#FrosinoneRoma 2-2 pic.twitter.com/fmgDS4ZFjT
— Frosinone Calcio (@Frosinone1928) February 23, 2019
Por, kur pritej që ndeshja të përfundonte në skenë doli përsëri Dzeko (90+), i cili shënoi për 2-3 duke vulosur kështu edhe rezultatin përfundimtar.
Pas kësaj fitore, Roma mbetet në pozitën e pestë me 44 pikë apo një më pak se Milani në vendin e katërt, ndërsa Frosinone zë pozitën e 19-të me 16 pikë.
Në ndeshjen e radhës, Giallorossët luajnë derbin e zjarrtë lokal ndaj Lazios, ndërsa Frosinone udhëton te Genoa. /Telegrafi/
Edin Dzeko scores his 11th goal in all competitions this season. #FrosinoneRoma
— BH live (@BHlive_official) February 23, 2019
Super Gol #Pellegrini !! #FrosinoneRoma 1-2#ASRomapic.twitter.com/6Mm38vazmZ
— indoroma 🇮🇩 🔶🔴 (@indoroma) February 23, 2019
