Përveç ikonave të Office, Microsoft duket se ka planifikuar ridizajnimin e të gjitha ikonave të Windows 10-ës.
Gjigandi i sistemit operativ prezantoi javën e kaluar dizajnin e ri të ikonave të Office 365.
Sajti Thurrot zbuloi se ky ridizajnim është vetëm fillimi dhe i gjithë dizajni i sistemit operativ do të ndryshohet duke aplikuar të njëjtin stil.
Në një postim në Medium.com Jon Friedman, shefi i dizajnit të Office pranë Microsoft, tha se “Ndërsa kemi themeluar një sistem, gradualisht do ta aplikojmë tek mbarë linja e produkteve të Microsoft.”
Ai publikoi edhe një imazh i cili tregon modernizimin e sistemit operativ me ikona të cilat janë prej 10 vitesh të pandryshuara. /PCWorld Albanian