Realiteti i hidhur, (R)Evolucioni Global

10.11.2019 00:11
Rreshtat+- AShkronjat+- Printo
Realiteti i hidhur, (R)Evolucioni Global

Nga Avni Jashari

Periodikisht, në jetën e përditshme personale por edhe në atë kolektive, do të ishte e nevojshme të vazhdohej me pastrimin e shëndetit mendor. Kjo sigurisht që do të duhej të ishte një recetë e vetë shkruar dhe jo një këshillë nga mjeku apo nga dikush tjetër. Grekët e lashtë kishin terme të ndryshme për këtë gjë, e mbase edhe e praktikonin.

Në këtë epokë mahnitëse nga mbeturinat e informacioneve dhe (pseudo) analizat, fjalët e lirshme, përdorimi i pahijshëm dhe aspak rigoroz i koncepteve dhe termave, duhet të ndalet në mënyrë të menjëhershme dhe mos t’u ipet fare hapësirë në shoqërinë tonë. Kjo dukuri është tejet e shprehur tek ne ku manipulimi dhe manipulatorët qëllimin parësor e kanë përdorimin e rritjes së fuqisë së këtij trendi manipulativ me opinionin e gjerë.

Sovraniteti nacional

Në fillim të viteve 2000 u godita nga një bisedë e shkurtër, por njëkohësisht mahnitëse me një pedagog italian, profesor universitar. Me fjalë të sakta, më është drejtuar duke më shpjeguar që sovraniteti ynë kombëtar (italian) me pjesëmarrje demokratike për të mbajtur shkolla dhe universitete falas u zhvlerësua nga dispozitat neoliberale dhe mbikombëtare të Bashkimit Evropian. Lufta jonë për të mbrojtur arsimin publik falas ishte dhe mbetet e kërcënuar.
Atëherë, dallimi i parë: Sovraniteti i atyre që nuk duan të manipulohen, ambalazhohen, “ndreqen” etj., nga fuqitë e paraqitura si mbikombëtare (BE, globalizmi, tregjet etj.) dhe kjo më së paku është sovranitet.

Dallimi i dytë: shteti-komb një hap i domosdoshëm në historinë e njerëzimit. Këtë sigurisht që e bënë vendet që dikur (ndoshta edhe sot) vepruan me vullnetin e tyre për pushtet, me kolonializëm, imperializëm, racizëm etj. Popujt e periferive të botës kanë pasur vështirësi në arritjen e unitetit kombëtar mbi baza imperialiste. Shumë mbyllje identitare e kulturore në këto zona të botës shpesh kanë qenë reagime ndaj homogjenizmit – homologimit të kërkuar nga fuqitë botërore, sot nën specien e globalizmit nën kujdesin e neoliberalizmit.

Populizmi është i vjetër sa vet bota

Transferimi karizmatik i një shefi apo i një lideri, i shtyrë shpesh nga prerogativa personale e dëshirës për ndryshim, shpresë, projekt përparimtar, nga njëra anë, por edhe nga dëshira për pushtet, duke mos i përjashtuar këtu vetitë e këqija impulsive si: racizmi, përjashtimi arbitrar, impulsiviteti etj., të kthen sërisht në të njëjtin rrugëtim historik dhe antropologjik.

Të njëjtin populizëm e gjejmë sot në Evropë, nën maskim, në prani të një degjenerimi, të një rënie vertikale të politikës si një nocion fisnik i mendimit dhe veprimit njerëzor. Nën tutelën e kinse një Bashkimi, shtresa të mëdha popullore, copa të mëdha të asaj që dikur i quanim “klasa të mesme refleksive” etj., sot ata janë të privuar nga kultura, humbur, çorientuar. Edhe më shumë në kontekstin e sotëm të “narcizmit” të shfrenuar të mediave sociale, të manipulimit të shfrenuar okult të këtyre mjeteve, në realitet subjekte të reja dhe “tolerante”, të folura, të shtypura e të publikuara. Sicilianët kanë një shprehje të mirë për këtë: “siamo andati a fottere e siamo rimasti fottuti”, pasi që shqip tingëllon jo mirë po e lë në origjinale, dhe kushdo mund t’a përkthej.

Kush bëhet udhëheqës sot?

Personalitete me shqetësime psikike, të nxitur nga narcizmi i ekzagjeruar, na imponohen sot lehtësisht si udhëheqës, si lider. Shih sot, jo vetëm tek ne, por mbi 90% në mbarë rruzullin tokësor udhëheqësit dallohen për këto tipare që i ceka sipër. Kjo nuk është fare rastësi, kjo bëhet në mënyrë pragmatike për të anuluar dhe përmbysur elitat. Pra nëse do të jesh lider i së ardhmes duke ndjekur “kapitalizmin” global dhe “neoliberal” duhet domosdoshmërisht t’i kesh vetitë e këtyre personazheve që ilustrova në këta pak rreshta të këtij paragrafi. Personalizimi i ekzagjeruar i politikës, favorizon me objektivitet këtë dinamikë të keqe.

E çka të them për fund…! T’a ripërsëris edhe një herë thënien siciliane! Mbase po : “siamo andati a fottere e siamo rimasti fottuti”…

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Lulzim Basha, ose versioni modern i “ëndrrës për një karrike”!

Lulzim Basha, ose versioni modern i “ëndrrës për një karrike”!

Rrisni vigjilencën, mos të izolohemi sërish

Rrisni vigjilencën, mos të izolohemi sërish

Katrahura profesionale në Kosovë

Katrahura profesionale në Kosovë

Monumenti që mungon!

Monumenti që mungon!

Nuk mund të burgoset liria…

Nuk mund të burgoset liria…

Recesioni ekonomik dhe trilema financiare

Recesioni ekonomik dhe trilema financiare

Deputetet e Kosoves qe e votuan Gjykaten Speciale, drejtësinë e luftës e UÇK-se ia dorezuan Vuçiqit

Deputetet e Kosoves qe e votuan Gjykaten Speciale, drejtësinë e luftës e UÇK-se ia dorezuan Vuçiqit

Minishengeni ballkanik, blla blla blla, …. Unioni doganor Kosovë-Serbi

Minishengeni ballkanik, blla blla blla, …. Unioni doganor Kosovë-Serbi

LDK po e përjashton veten, e jo Vjosën

LDK po e përjashton veten, e jo Vjosën

Rifat Gjota – shkencëtar i përjetshëm!

Rifat Gjota – shkencëtar i përjetshëm!

Perandoritë globale dhe rënia e qeverive

Perandoritë globale dhe rënia e qeverive

Evropa është shumë e bukur nëse mbetet gjithnjë e vërtetë

Evropa është shumë e bukur nëse mbetet gjithnjë e vërtetë

Nga Enver Dugolli: Presidenti Thaçi sot paska vizituar burgun e Dubraves! Pse me 25 maj? Pse pas 21 viteve?

Nga Enver Dugolli: Presidenti Thaçi sot paska vizituar burgun e Dubraves! Pse me 25 maj? Pse pas 21 viteve?

Nga Muhamet Shala: Si e fitoi luftën në vetëm gjashtë ditë gjenerali gjenial Moshe Dayan

Nga Muhamet Shala: Si e fitoi luftën në vetëm gjashtë ditë gjenerali gjenial Moshe Dayan

Ja la emrin vajzës Republikë, u burgos dhe më pas u ekzekutua në Burgun e Dubravës nga forcat serbe

Ja la emrin vajzës Republikë, u burgos dhe më pas u ekzekutua në Burgun e Dubravës nga forcat serbe

The Times: Ekipi i Thaçit thotë se ai s’i frikësohet Speciales, rivalët të kundërtën

The Times: Ekipi i Thaçit thotë se ai s’i frikësohet Speciales, rivalët të kundërtën